Para ca kohësh u dha lajmi për designin e ri të YouTube i cili ishte në faza testimi me një grup të vogël përdoruesish por do duhej kohë të aktivizohej për publikun e gjerë.

YouTube i vjeter

Tani keni një mënyrë për ta aktivizuar edhe ju pa patur nevojë të prisni derisa të vihet në dispozicion nga ata vetë.

Truku në fjalë është testuar me Firefox dhe Chrome.

Ndiqni këto hapa:

Hapni faqen e YouTube. Pastaj duhet hapur opsioni development tools i lundruesit.

Mund ta bëni duke përdorur këtë komandë:

Në Firefox: Ctrl + Shift + K (Windows) | Cmd + Shift + K (Mac)
Në Chrome: Ctrl + Shift + J (Windows) | Cmd + Alt + J (Mac)

Tani do shikoni kursorin që pulson ku mund të vendosni tekst. Kopjoni stringën e mëposhtme vendoseni tek dritarja e hapur dhe jepini enter siç është ilustruar tek imazhi:

document.cookie="VISITOR_INFO1_LIVE=ST1Ti53r4fU";

Mbyllni dritaren e vogel ku vendosët stringën dhe pastaj mjafton të bëni refresh faqes ose të klikoni tek logo e YouTube për të vizituar versionin e ri të faqes fillestare.

YouTube i ri

Si te aktivizoni faqen e re te YouTube shkruar tek: eklipsi.com

Çfarë është Mixcloud?

Tek faqja e tyre mund të lexoni përshkrimin që ata i bëjnë vetes së tyre.

Mixcloud ndihmon lidhjen e radios (përmbajtjes qe transmetohet në Radio) me dëgjuesit në mënyrë më efikase. Mixcloud ka ri-menduar konceptin e radios duke bashkuar pikat midis përmbajtjeve që transmetohen në radio, podcast-ve dhe mikse-ve të DJ të ndryshëm. Ne i referohemi atyre si Cloudcasts – nënkuptonon audio që janë të ruajtura në “re” dhe që janë në dispozicion për tu transmetuar sa herë të keni nevojë.

Nëse jeni të apasionuar pas mikseve të ndryshme, tashmë, mund të merrni në konsideratë dhe shkarkimin e tyre (pasi vetë Mixcloud ndryshe nga Soundcloud nuk e ofron këtë mundësi).

Mund të konsideroni disa mikse interesante, të përgatitura nga anëtari squarepusher për TiranaCalling dhe PeshkuPaUjë

Për të treguar se si mund ti shkarkoni ato do merret si shembull miksi i fundit postuar nga ai:

http://www.mixcloud.com/m2_albanian/kub-15-psychedelic/

Mjafton të ndryshohet nga Url-ja e mësipërme pjesa

http://www.mixcloud.com/

me

http://www.mixcloud.com/api/1/cloudcast/

dhe fraksioni i fundit

/

i linkut origjinal të miksit me

.json

Linku i ri i krijuar do jetë ky mëposhtë:

http://www.mixcloud.com/api/1/cloudcast/m2_albanian/kub-15-psychedelic.json

Tani mjafton të hapim linkun e ri të krijuar tek lundruesi ynë qoftë ai Chrome/Firefox/Opera. Do vini re që na ofrohet një faqe me informacione të detajuara mbi miksin në fjalë, faqe e cila përfshin të gjitha linket e drejtpërdrejta të shkarkimit, të cilat fillojnë direkt pas pjesës

“audio_formats”: {

Nëse shikojmë më nga afer këtë informacion do shikojmë këto linke.

Shkarko Nga Mixcloud

Janë selektuar për ju informacionet më të rëndësishme si psh të gjitha formatet e file-t audio dhe bitrate në të cilin këto file janë të disponueshëm. Linket që shikoni në faqe janë linket që mundësojnë shkarkimin direkt të miksit.

Psh, mësipër provova ta shkarkoja atë në formatin mp3 dhe linku që funksionoi ishte:

http://stream3.mxcdn.com/cloudcasts/originals/a/6/3/7/9951-682a-4a4d-b7ed-ed8e92b72f5d.mp3

Linket duhen provuar pasi jo të gjithë funksionojnë derisa të gjeni atë që jua lejon ta shkarkoni.

Si te shkarkoni muzike falas nga Mixcloud shkruar tek: eklipsi.com

Wolfram Alpha është një motor kërkimi për të gjitha llojet e informacioneve, duke përfshirë informacione statistikore, të dhëna social-ekonomike, matematikore, shkencore, etj.

Wolfram Alpha gjithashtu mund të përdoret për të krijuar Kode QR (QR Codes) dhe BarKode (Barcode) për përdorimin tuaj personal.

Për të krijuar kodin tuaj QR:

1. Vizitoni Wolfram Alpha.

2. Në kutinë e kërkimit, vendosni të dhënat në vijim:

QR Code for eklipsi.com

Kodi QR eklipsi.com

Zëvëndësoni eklipsi.com me informacionin që dëshironi të zhvillohet në QR Code (URL, adresë e-maili, emer, produkt, etj).

3. Klikoni butonin = ose shtypni butonin ENTER në tastierën tuaj.

4. Në këtë mënyrë kodi juaj do të krijohet.

Kodi Qr i Krijuar

5. Për të ruajtur imazhin, mund të klikoni me të djathtën mbi Kodin e krijuar dhe zgjidhni “Save image as…” ose mund të lëvizni mouse mbi foton, pastaj mouse mbi këndin e palosur dhe kliko “Save as image” si në imazhin mëposhtë.

Ruani Kodin Qr

Për të krijuar BarKodin tuaj:

1. Vizitoni Wolfram Alpha.

2. Në kutinë e kërkimit, vendosni të dhënat në vijim:

bar code eklipsi.com

Bar Kodi per eklipsi.com

Zëvëndësoni eklipsi.com me informacionin që dëshironi të krijohet në BarKodin tuaj (URL, adresë e-mail, emër, produkt, etj).

3. Klikoni butonin = ose shtypni butonin ENTER në tastierë.

4. BarKodi juaj do të krijohet.

Bar Kodi i krijuar

5. Zgjidhni fontin e dëshiruar (Kodi 128, Kodi 93, ose Kodi 39) dhe për të ruajtur imazhin klikoni me të djathtën mbi të dhe zgjidhni “Save image as…” ose mund të kaloni mouse mbi foton, pastaj mouse mbi këndin e palosur që shfaqet dhe kliko “Save as image”.

Krijoni Kode QR dhe BarCode qe deshironi ne menyre te thjeshte shkruar tek: eklipsi.com

Për një periudhë shtatë vjeçare Facebook ka arritur tek rreth 600 milionë anëtarë dhe ky numër vazhdon të rritet. Krijuesit e tij janë duke bërë vazhdimisht ndryshime në këtë faqe duke shtuar dhe modifikuar opsione të ndryshme të tij. Ndërkohë që të gjithë presin ndryshimet e radhës mund të përdorni disa nga këto opsione herën tjetër që do e vizitoni atë.

Karakteret Bold:

Rrethoni tekstin tuaj me yje (butoni *) dhe në këtë mënyrë do shikoni që teksti do transformohet në Bold tek chati. Psh:

*Përshëndetje! Si je ti?* do shfaqet në këtë mënyrë Përshëndetje! Si je ti?

Karaktere të nënvijëzuara

Rrethoni tekstin tuaj me nënvija për të patur të mundur si rezultat tekstin e plotë të nënvijëzuar tek dritarja e chatit. Psh:

_Gjithçka mirë. Po ti si po ja kalon?_ do shfaqet në këtë mënyrë
Gjithçka mirë. Po ti si po ja kalon?

Forma/imazhe

Ndërkohë që chatoni mund të përdorni forma të ndryshme.

<(“) = pinguin
(^^^) = peshkaqen
<3 = zemër
:putnam: = kokë/fytyrë njeriu

Lista e imazheve të cilat ju mund ti përdorni ndërkohë që chatoni është e gjatë, por sdq disa kombinime mund ti shikoni më poshtë:

8 -) = syze
:-* = buzë
8-| = syzedielli
O:) = ëngjëll
: |] = robot

Përdorni alt + çdo kombinim numrash për të shtuar karaktere të ndryshme tek statusi juaj, chati dhe postimet. Psh:

Alt+14 = ♫
Alt+13 = ♪
Alt+3 = ♥
Alt+5 = ♣
Alt+36 = $

Linkimi tek profilet e miqve tuaj
Ju pëlqen të linkoni tek profili i ndonjë prej miqve në statusin tuaj? Thjesht shkruani @ emri mbiemri dhe një menu zbritëse do ju shfaqet. Në momentin që emri i mikut që dëshironi shfaqet, klikoni mbi të dhe do shikoni që do shfaqet si link i klikueshëm tek statusi juaj, por shenja @ do zhduket.

Çfarë kombinimesh, të cilat nuk i kemi përmendur ne, përdorni më shpesh? Na tregoni në komentet më poshtë!

Përditësim:
Në komentet më poshtë necky1st na sugjeron për një figurë tjetër që nuk bën pjesë tek lista mësipër:

:v = pacman

Truke te ndryshme per Facebook shkruar tek: eklipsi.com

wsj

Ndoshta jeni në dijeni të programit First-Click-Free i cili ka më shumë se 3 vjet që ofrohet nga Google.

Nëse nuk jeni në dijeni:
First Click Free është një mënyrë që publikuesit përdorin për të ndarë lajmet e tyre, për të cilat nevojitet “regjistrim”, me lexuesit e Google News. Të gjithë artikujt të cilët lexohen nëpërmjet Google News evitojnë murin e regjistrimit. SearchEngineLand e ka shpjeguar vite më parë.

Ideja/Qëllimi që qëndron pas këtij programi:
Përdoruesit testojnë faqet e ndryshme mbi cilësinë e lajmeve që ofrojnë para se të vendosin të paguajnë për tu regjistruar tek ata.

Këtu shpjegohet se si publikuesit mund të aderojnë tek ky program i Google.

Një nga faqet më interesante që merr pjesë në këtë program (për të cilën shumë nuk janë në dijeni) është dhe e famshmja Wall Street Journal.

Me detaje keni të shpjeguar më poshtë proçedurën që duhet të ndiqni (pa instaluar plugine dhe që punon me çdo browser).

Pasi vizitojmë www.wsj.com lundrojmë tek artikujt që na interesojnë dhe shikojmë që disa nga ata janë të disponueshëm vetëm për lexuesit e regjistruar.

(Psh) Në seksionin e Teknologjisë shikojmë disa nga këta artikuj.

Artikuj me pagese

Klikojmë tek njëri prej tyre dhe shikojmë që na shfaqet kjo pamje.

Artikulli i klikuar tek WSJ

Selektojmë titullin e artikullit, klikojmë me të djathtën mbi pjesën e selektuar, pastaj klikojmë tek opsioni kërko në Google.

Pas selektimit kerkojme ne Google

Do vëmë re që në Google na shfaqet në vënd të parë i njëjti artikull postuar tek faqja e WSJ. Klikojmë sërish mbi të!

Pas selektimit kerkojme ne Google

Tashmë do vëmë re që artikulli është hapur i plotë dhe mund të vazhdojmë me leximin e tij.

Artikulli i plote ne WSJ

Duhet specifikuar fakti që, kjo mënyrë fitimi nga WSJ (Lexuesit e regjistruar që paguajnë) është mëse e kuptueshme, pasi në këtë mënyrë sigurojnë veten e tyre nga rënia e të ardhurave nga reklamat. Gjithashtu Autorët dëshirojnë të paguhen.

Sidoqoftë arsyeja se pse kjo mënyrë funksionon nuk ka të bëjë me një dobësi të WSJ për të siguruar artikujt e saj! Arsyeja është Trafiku që Google News i siguron faqes WSJ. Me sa duket për WSJ është më e dobishme kjo e fundit ndaj vazhdon të jetë i disponueshëm leximi i artikujve me pagesë.

Ps: Nëse ndonjë artikull nuk funksionon do të thotë që nuk është indexuar akoma nga Google në motorin e tij të kërkimit.

Lexoni wsj pa patur nevoje te paguani shkruar tek: eklipsi.com

Facebook ka ndryshuar sërish faqen e profilit duke bërë disa modifikime të reja të paraqitjes së faqes personale (profilit).

Si gjithmonë “të pakënaqurit” kritikuan ndryshimet, ndërsa të tjerët nuk humbën kohë dhe filluan me hackimin e profilit të ri Krijimtaria e tyre është me të vërtetë për tu admiruar!

Një nga të shumtat modifikime të bëra…

Modifikim i profilit

Siç shikohet kanë bërë punë të lezeçme, por me siguri ju është dashur kohë për të arritur rezultatin e dëshiruar (photoshop). Si gjithmonë dikush do dalë që do thjeshtësojë punën për të gjithë dhe në këtë rast ai dikush nuk ka vonuar, duke koduar, proçesin e ka thjeshtuar në mënyrë automatike.

Për të parë sa efektive ishte mënyra e ofruar mendova ta testoja tek profili im dhe ky është përfundimi i arritur.

Imazhi që përdora është ky

Social Graph

Ky është rezultati përfundimtar dhe, e gjitha kjo, nuk kërkoi më shumë se 10 minuta. (upload i fotos, shkarkim, ndjekje e hapava të shpjeguar nga programuesi në fjalë)

Profili i modifikuar

Hapat që ndoqa.

1) Gjeta një imazh që më pëlqeu.

2) Bëra “Upload” imazhin tek faqja në fjalë.

Në momentin që ju klikoni “Do it” fillon shkarkimi i një file ZIP i cili përmban copëzat e bëra gati në mënyrë automatike dhe të gatshme për tu bërë upload tek profili juaj i facebook-ut.

Udhëzimet për vendosjen e fotove tek profili juaj:

1) Zëvëndësoni imazhin e profilit me imazhin që ka përmasat 180×540 i cili ndodhet tek kartela ZIP që shkarkuat.

2) Krijoni një album të ri dhe ngjitini tek profili juaj sipas radhës nga 1 tek 5 imazhet e mbetura. (Klikoni tek Skip në momentin që ju kërkon për ti publikuar, derisa të përfundoje i gjithë proçesi).

3) Tag-oni veten tuaj tek këto 5 imazhe të vogla (tani me radhë nga fundi, dmth filloni tag-imin nga imazhi i “5 tek 1″)

Kontrolloni opsionin Bio që të ketë vetëm një rrjesht (që imazhet të jenë në linjë me njëra tjetrën). Kjo do të thotë shto/hiq informacionet si “Education“, “work” dhe “location” nga profili juaj (që të mos shikohen nga të tjerët, dhe të jenë në linjë imazhet).

Kini parasysh, ndërkohë që mbaruat hapat e mësipërm duhet ta shikoni profilin tuaj nga një profil tjetër (paralelshit, ndoshta nga një browser tjetër, se si duket) kjo pasi facebook mund të shtojë të dhëna të tjera ndërkohe që jeni i loguar tek profili juaj, por nga profile të tjera nuk shikohen.

Këshillë: Për të ruajtur privatësinë tuaj, fotografitë që do përdorni do ishte më mirë të mos jenë të tuat “personale”. Krijuesi thotë që nuk i ruan fotografitë që përdoren, sdq më mirë të tregoheni të kujdesshëm, kjo pasi ju po i bëni upload tek një faqe e tretë që nuk ka lidhje me Facebook.

Tani mund të testoni me profilet tuaja, faqja në fjalë është kjo Vindimy

Update:
Olti e ka provuar tek profili i tij dhe ja rezultati!

Personalizoni faqen e profilit te Facebook sipas trendit te ri shkruar tek: eklipsi.com

E dinit që stacioni hapësinor ndërkombëtar ISS transmeton live nga hapësira? Interesante të shikohet nga hapësira planeti ynë, sidomos në kohë reale .

Me Windows Media Player mund të hapni linkun e mëposhtëm dhe të shikoni se si duket planeti Tokë nga lart.

1) Kopjoni linkun mms://a1709.l1856953708.c18569.g.lm.akamaistream.net/D/1709/18569/v0001/reflector:53708
2) Hapni programin Windows Media Player
3) Klikoni Ctrl + U
4) Vendosni linkun
5) Shtypni Ok
6) Duroni paksa deri sa të lidhet

Nëse nuk arrini dot në atë mënyrë atëherë mund ta provoni këtu.

Për sisteme të tjera operative mund të përdorni programin VLC.

Për të parë pozicionin në kohë reale të stacionit ndërkombëtar hapësinor mund të kontrolloni në këtë faqe:
http://www.n2yo.com/

Duhet të keni parasysh që:

1) Disponibiliteti i pamjeve live varet nga pozicioni ku stacioni ISS ndodhet (mund të jetë natë dhe transmetimi mund të jetë i ndërprerë). Nëse shikoni këtë imazh atëherë transmetimi është i ndërprerë. (Duroni 30 min dhe atëherë do shikoni lindjen e diellit ) ISS i duhen 90 minuta të kryejë një orbitë të plotë rreth globit.

2) Shpeshherë mund të dëgjoni në sfond komunikimet ndërmjet astronautëve të ISS dhe bazës në Tokë ose kod mors.

Stacioni hapësinor ndërkombëtar (ISS) mund të shikohet me sy të lirë (edhe gjatë ditës):
Pas shtimeve që ju bënë stacionit (më shumë panele diellore) u bë akoma më i shndritshëm se Venusi dhe kaloi në objektin e tretë më të shndritshëm në qiell (disa shifra rreth ISS). Duhet të keni parasysh që koordinatat variojnë sipas vendndodhjes tuaj, tregohuni të vëmëndshem pasi lëviz shumë shpejt.

Për të parë ditët dhe orarin kur stacioni do ndodhet mbi pozicionin tuaj kontrolloni në këtë adresë duke kërkuar për shtetin, pastaj qytetin, ku ndodheni. Nevojitet mot i kthjellët dhe do ndihmonte që ju të jeni në errësirë përndryshe dritat që ju rrethojnë mund ta vështirësojnë dallimin e tij.

Së fundi edhe një fotografi e Tracy Caldwell Dyson duke vështruar Tokën nga një lartësi prej 350 km.

Transmetim Live nga Stacioni Hapesinor Nderkombetar (ISS) shkruar tek: eklipsi.com

Serialet e huaja (amerikane?) na kanë shoqëruar hap pas hapi në periudhën e fëmijërisë. Më kujtohet kur prisnim orarin e caktuar për të parë Friends, ashtu si shumë të tjerë, besoj, me padurim!

Tashmë mjafton ti kërkosh online dhe i gjen në shumë faqe të ndryshme në formë stream. Megjithatë për shumë persona kjo sorollatje sa nga njëra faqe tek tjetra mund të jetë padyshim humbje kohe. Këtu vjen në ndihmë i famshmi Google!

Për të patur mundësinë e kërkimit/shikimit të serialeve të tuaja të preferuara online, mjafton Google, dhe me pak klikime, duke ndjekur hapat si në imazhin e mëposhtëm në pak sekonda do ju ofrohen një numër i madh linkesh ku video në fjalë është e disponueshme.

Hapat që duhen ndjekur:

1) Të shkruani të plotë emrin e serialit që po kërkoni

2) Të klikoni tek opsioni “Video” në panelin e majtë të rezultateve të kërkimit në Google

3) Të zgjidhni opsionin për video më të gjata se 20 minuta

4) Të shikoni rezultatet e paraqitura dhe të shikoni serialin e kërkuar

Demo e 4 hapave, është bërë me serialin e famshëm “IT Crowd” (një nga shumë të preferuarit), prova është bërë pikërisht me sezonin dhe epsiodin e parë të këtij seriali dhe siç shikoni, rezultatet nuk kanë munguar. (Nuk është e thënë të jenë të gjithë serialet që ju kërkoni, por nëse ai ndodhet diku online Google do jua gjejë!)

Kliko mbi imazh për zoom

Hapat vizive për serialet e plota

Si te shikoni (gati te gjitha) serialet televizive online shkruar tek: eklipsi.com

Hulu

Kohë më parë ju kemi mësuar me anë të një tutoriali se si të shikonit Hulu.com duke përdorur një program i cili kishte aftësinë të kamuflonte adresën tuaj të ip në një adresë ip Amerikane, pasi Hulu.com është një faqe interneti që mund të shikohet vetëm brënda kufinjve Amerikane dhe i dedikohet publikut Amerikan!

Sot me një tutorial të detajuar (me imazhe) do ju tregojmë se si mund të ja arrini qëllimit për të parë Hulu.com pa patur nevojën që të fshiheni pas adresave proxy! Mjafton që të keni një linjë të mirë interneti dhe pasi të ndiqni hapat e tutorialit atëherë në një kohë të shkurtër do keni mundësinë të shikoni edhe serialet e fundit Amerikane pa proxy.

Për çfarë do keni nevojë:

1. Browserin Mozilla Firefox
2. Add-onin Modify Headers
3. Microsoft Management Console (E përfshirë në Windows)

Hapi 1 – Instaloni Firefox dhe add-onin Modify Headers:

Nëse nuk e keni të instaluar akoma Firefoxin, instalojeni.
Instaloni add-onin Modify Headers nga linku i mësipërm.

Hapi 2 – Konfiguroni add-onin Modify Headers:

1. Në Firefox, klikoni Tools dhe pastaj Modify Headers.
2. Në pjesën sipër të dritares Modify Headers është një kuti e vogël “drop-down box”. Selektoni Add nga ajo kuti.
3. Në fushën e parë të tekstit ngjitur me drop-down, shkruani “X-Forwarded-For” pa thonjëza.
4. Në fushën e dytë të tekstit, shkruani “12.13.14.15″(ose ip të Google psh, mjafton të jetë një ip Amerikane) pa thonjëza.
5. Lëreni fushën e tretë të tekstit bosh dhe klikoni Add në të djathtë të saj.
6. Klikoni butonin Enable All në të djathtë.
7. Klikoni butonin Configuration, sigurohuni që “Always On: Enable modify headers when the window/tab is closed” të jetë i selektuar, nëse nuk keni ndonjë arsye të veçantë të mos e mbani të selektuar…

KUJDES: Modifikimi i mësipërm mund të shkaktojë ndërhyrje me faqet e tjera të internetit që ju keni dëshirë të kujtojnë se jeni vizitor nga shteti ku ndodheni ju. Sdq mund të ç’aktivizoni add-on në kohën që nuk përdorni Hulu.

[slideshow id=1]

[nggallery id=1]

Hapi 3 – Bllokoni portat tcp/udp që Hulu përdor në Microsoft Management Console.

Duket si e komplikuar por është më e lehtë se sa duket

Seksioni A – Shtoni një “IP Security Policies on Local Computer” snap-in në MMC

1. Në Windows 7/Vista ju mjafton të klikoni Start dhe të shkruani “mmc” pa thonjëza dhe të shtypni Enter, në XP duhet të klikoni Start > Run > shkruani “mmc” pa thonjëza dhe shtypni Enter.
2. Klikoni File dhe pastaj Add/Remove snap-in
3. Selektoni “IP Security Policy Management” dhe klikoni butonin Add në mes.
4. Një dritare/proçedure e re do hapet, lëreni në “Local Computer” dhe klikoni Finish.
5. Pastaj në dritaren e Add/Remove snap-in, klikoni OK.

[nggallery id=2]

Seksioni B – Krijoni një IP Security Policy për Hulu

1. Në dritaren kryesore të MMC, klikoni me të djathtën dhe selektoni “IP Security Policies on Local Computer”
2. Klikoni Action në pjesën e sipërme të menusë dhe pastaj “Create IP Security Policy”
3. Në dritaren e re që hapet, klikoni Next.
4. Vendosni një emër për policy e re, Unë vendosa “Policy e Sigurise Hulu”. Klikoni Next.
5. Requests for secure communication? ska rëndësi, klikoni Next.
6. Hiqni selektimin e kutisë së “edit” dhe klikoni Finish.

[nggallery id=3]

Seksioni C – Krijoni një Listë Filter IP të portave tcp/udp që dëshironi të bllokoni.

1. Në dritaren kryesore të MMC, klikoni dhe selektoni “IP Security Policies on Local Computer” sërish.
2. Klikoni Action në pjesën e sipërme dhe pastaj “Manage IP Filter Lists and Filter Actions”
3. Tek tab “Manage IP Filter Lists”, klikoni Add.
4. Vendosni një emër sipas dëshirës për filtrin e ri. Unë zgjodha “Bllokimi i TCP/UDP Hulu”.
5. Klikoni Add. Në dritaren e re që do dalë “Welcome to IP Filter Wizard”, klikoni Next.
6. Nuk ka ndonjë arsye për të vendosur përshkrimin/description… klikoni Next.
7. Për “source IP address”, zgjidhni “Any IP Address” dhe klikoni Next.
8. Për “destination IP address”, zgjidhni “Any IP Address” dhe klikoni Next.
9. Për “protocol type”, zgjidhni “TCP” dhe klikoni Next.
10. Zgjidhni “To this port” dhe vendosni 1935 në kutinë boshe dhe klikoni Next.
11. Klikoni Finish.
12. Në kutinë “IP Filter List” tani duhet të keni 1 IP filter për portën TCP 1935.
13. Ndiqni hapat nga 5 tek 11 dhe një herë tjetër, duke ndryshuar UDP në vënd të TCP.
14. Në kutinë “IP Filter List” tani do keni 2 IP filters për TCP dhe UDP në portën 1935.
14. Klikoni OK.

[nggallery id=4]

Seksioni D – Shtoni një Aksion filtrues IP në mënyrë që MMC të bllokojë portat e mësipërme tcp/udp.

1. Tani që jeni kthyer pas në dritaren  ”Manage IP Filter Lists and Filter Actions”.
2. Klikoni tabin “Manage Filter Actions” sipër dhe pastaj klikoni butonin Add.
3. Në dritaren e re që hapet, klikoni Next.
4. Vendosni një emër për aksionin, si psh “Bllokimi i Hulu” dhe klikoni Next.
5. Në dritaren që hapet “Filter Action General Options”, selektoni “Block” klikoni Next dhe pastaj Finish.
6. Në dritaren e “Manage IP Filter Lists and Filter Actions” klikoni Apply dhe pastaj OK.

[nggallery id=5]

Seksioni E – Krijoni një rregull Sigurie IP duke kombinuar Listën e Filtrit IP, Filter List dhe Aksionin Filter IP, nga seksionet mësipër.

1. Në dritaren kryesore të MMC, klikoni me të djathtën mbi Policy e Sigurisë Hulu që krijuam dhe klikoni Properties.
2. Tek tab Rules, klikoni Add.
3. Në dritaren e re që hapet, klikoni Next.
4. Lëreni opsionin e selektuar në default “This rule does not specify a tunnel” dhe klikoni Next.
5. Për Network Type, selektoni “All Network Connections” dhe klikoni Next.
6. Tek dritarja “IP Filter List” Selektoni “Bllokimi i TCP/UDP i Hulu” (vendosni pikën brënda rrethit të vogël ) dhe klikoni Next.
7. Tek dritarja “Filter Action” Selektoni “Bllokimi i Hulu” si në pikën e mësipërme dhe klikoni Next.
8. Klikoni Finish.

[nggallery id=6]

Seksioni F – Jepini Assign Policy i Sigurise IP Hulu dhe provojeni!

1. Në dritaren kryesore të MMC, klikoni me të djathtën mbi “Policy e Sigurise IP Hulu” që kemi krijuar dhe klikoni “Assign”
2.  Pasi të mbyllni dhe të hapni sërish Firefoxin, do keni mundësi të përdorni faqen Hulu.com edhe jashtë territorit Amerikan!

[nggallery id=7]

Tani do keni mundësinë të shikoni serialet dhe filmat në Hulu.com, pa nevojën e ndonjë proxy apo vpn, që më parë ishin të disponueshëm vetëm për publikun Amerikan!

[nggallery id=8]

Nëse do arrini me sukses të gjitha hapat dhe tutoriali mësipër do ju funksiojë ashtu siç funksioi edhe për ne, mos hezitoni por na lini ndonjë koment!

Ps: Protip, mjafton të ndiqni veprimet tek imazhet e vendosura dhe do ja arrini pa asnjë komplikim!

Guide “For Dummies” per te pare Hulu pa proxy! shkruar tek: eklipsi.com

Kohë më parë ju kemi prezantuar me Twitter dhe me një guidë elementare të përdorimit të këtij rrjeti social! Twitter kësaj radhe na prezantohet me një shërbim të ri, @anywhere, nga 15 prilli zyrtarisht live.

Çfarë është?

Thënë me fjalë të thjeshta bëhet fjalë për mundësinë e vendosjes në faqet tuaja të objekteve dinamike të Twitterit si psh, butonin “Më Ndiq” (Follow Me), linkime automatike, hover cards, etj. Gjithashtu të jep mundësinë për të përdorur Twitter Connect (përgjigjia e tyre ndaj Facebook Connect).

eklipsi Anywhere

Do ju japim një shëmbull të thjeshtë të përdorimit të këtij shërbimi, ne rastin konkret butonin “Follow Me”. Një proçes i cili nuk merr më shumë se disa minuta.

Demo:
@eklipsi

Fillimi dhe Regjistrimi.

Vizitoni faqen http://dev.twitter.com/anywhere dhe regjistroni aplikacionin/API tuaj të ri. Përdorni të dhënat për faqen tuaj në të gjitha fushat në dispozicion.

eklipsi Anywhere Regjistrimi i API

Për atë që po bëjmë nuk ka nevojë të bëni Upload një imazh (megjithatë mund të dëshironi të bëni upload imazhin që përdorni në twitter për llogarinë tuaj, nuk ndërhyn me atë që po bëjmë).

Marrja e kodit

Pas regjistrimit, do ridrejtoheni tek një faqe ku ju vendoset në dispozicion një kod. Si në foton e mëposhtme.

eklipsi Anywhere Marrja e Kodit

Twitter ju thotë ta vendosni këtë kod në çdo vënd të faqes tuaj dhe do funksionojë! Por kjo nuk është e vërtetë! Ajo çfarë duhet të bëni që kjo të funksionojë është të hiqni (head tags). Kopjoni kodin që mbetet pasi hoqët (Head Tags) dhe pamja e re do jetë pak a shumë kjo

eklips Anywhere pa (Head tags)

Duhet të kopjoni kodin tuaj personal (kodi i imazheve të vendosura këtu është ai i eklipsi)

Ky kod kryen të gjitha thirrjet e nevojshme që të funksiojë në mënyrë korrekte platforma @anywhere.

Vendosja e kodit

Skripti këshillohet të vendoset tek footeri i faqes/blogut tuaj, në këtë mënyrë përmbajtja e faqes karikohet me parë. (detaj i rëndësishëm ky!)

Shtimi i butonit Follow Me

Tani do shtojmë mundësinë e vendosjes së një linku “Follow Me”. Kjo pjesë kodi do shtojë këtë funksion nëse shtohet në mënyrë të rregullt.

eklipsi Anywhere shtimi i kodit per butonin

twitter('#follow-eklipsi').followButton("eklipsi");

Tregohuni i vëmëndshëm të vendosni emrin tuaj të Twitterit!

eklipsi Anywhere shtimi i kodit

Tani mund të ruani modifikimet e bëra.

Shfaqja e butonit në faqe

Kudo që të dëshironi butonin “Follow Me” tashmë mjafton të vendosni një rrjesht të shkurtër html.

Rikujtoj mos harroni të vendosni emrin tuaj të Twitterit edhe në kodin e mëposhtëm.

eklipsi Anywhere Kodi Html

Duke përdorur metodën e mësipërme dhe duke ndjekur dokumentacionin zyrtar ju mund të përdorni edhe aplikacionet e tjera që ofron Twitter.

Na tregoni në komentet më poshtë nëse e keni përdorur shërbimin @anywhere ne faqet tuaja dhe në çfarë mënyre…

Nëse dëshironi të ndiqni llogari interesante Shqiptare në Twitter përveç @eklipsi, ju këshillojme listën që ka krijuar @oltimus për ata që duan të ndjekin cicëruesit më aktiv shqiptarë http://tweepml.org/Albania/

Si te perdorni sherbimin @anywhere te Twitter ne faqen tuaj shkruar tek: eklipsi.com