Në videon mëposhtë do vini re se si funksionon, dhe do mësoni edhe si ta përdorni, mundësia e re ofruar nga Google, Google’s Real-Time Insight Finder, vegël e cila ju ndihmon nëse dëshironi të keni informacione më të detajuara mbi terma të caktuar në kohë reale.

Një lodër e tillë mund të jetë një ndihmë goxha e madhe pasi përbën një dritare mbi zakonet, perceptimet dhe nevojat e konkurentëve mbi terma të caktuar apo mbi trendet online.

Google Real-Time Insight Finder shkruar tek: eklipsi.com

Ardit Bajraktari është krijuesi i aplikacionit StoryFun (Në Anglisht, duke qenë se i drejtohet tregut të gjerë botëror). Momentalisht ai është i punësuar full time tek yammer por gjate kohës së lirë, duke ndjekur pasionin e tij, ka krijuar aplikacionin në fjalë.

StoryFun, me fjalët e autorit:

StoryFun është një projekt për prindërit: Doja të ndaja diçka me ju që kam qenë duke punuar kohët e fundit. Ky është një aplikacion (libër me tregime) drejtuar fëmijëve dhe është në dispozicion për iPad. Aplikacioni përmban 11 tregime, 3 prej të cilave janë falas. Ai ka si objektiv audiencën e fëmijëve që i perkasin moshës nga 1,5 deri në 4 vjeç.

Nëse ndonjë prej jush ka fëmijë të kesaj moshe, ose keni të afërm të familjes / miqve, ju lutem ta shkarkoni atë (shkarkimi është falas). Çdo reagim/reçension ndaj tij është i mirëpritur. Ky është një produkt i frymëzuar nga dy mbesat e mia.

Linku për shkarkimin falas të aplikacionit në dyqanin e Apple: http://itunes.apple.com/us/app/id411269443

Për më shumë vizitoni: StoryFun

Arditin mund ta ndiqni gjithashtu edhe ne Twitter @ardit33

StoryFun – Nje projekt interesant nga Ardit Bajraktari shkruar tek: eklipsi.com

Kore e Jugut, Tesco ka krijuar një dyqan virtual në metro nga ku pasagjerët mund të blejnë produkte të ndryshme nga raftet virtuale të projektuara në mur.

Me anë të telefoneve, duke i drejtuar për nga kodi QR mbi produktin e dëshiruar, ata arrijnë ti porositin dhe ti vendosin në shportën e tyre. Pasi mbarojnë së zgjedhuri produktet, paguajnë, dhe produktet ju dorëzohen në adresën e dëshiruar.

burimi: AdverBlog

Shopping ne metro shkruar tek: eklipsi.com

Koncepti që qëndron pas Show Hopping është i thjeshtë – vendosni një vendndodhje, një rreze për të kërkuar brënda saj dhe një listë të grupeve muzikore që ju interesojnë (ose selektoni Allow All).

Faqja, pastaj, përpunon informacionin e dhënë dhe krijon një kombimin me koncertet e ardhshme në zonën tuaj, nga Last.fm, në një hartë interaktive. Është e thjeshtë, efektive dhe çuditërisht shumë e saktë!

Edhe nëse nuk po kërkoni për ndonjë koncert në zonën ku jetoni, ju këshilloj ta provoni është një aplikacion i ndërtuar në mënyrën që duhet!

Show Hopping nuk pretendon as që të krijoni një llogari me ta për të përdorur shërbimin e tyre! Çfarë kërkoni më shumë? Një punë e shkëlqyer.

Kerkoni koncertet e artisteve te preferuar me Show Hopping shkruar tek: eklipsi.com

Blerja e Viagra-s, barnave mjekësore apo kopjeve të orave të ndryshme të famshme në internet ka evoluar, disa ekspertë të shkencave kompjuterike me anë të një studimi shpjegojnë në detaje se si spami modern funksionon.

Plani i biznesit të spamit modern është i përbërë nga tre elementë: Reklamimi, Suport klikimesh (thënë ndryshe: dërgimi i klientëve në faqe ku mund të bëhen këto blerje), dhe përfundimi i operacionit (thënë ndryshe: marrja e pagesës dhe dorëzimi i produktit tek konsumatori).

Firma të ndryshme rreth e rrotull globit kryejnë të gjithë këtë operacion me disa faza. Emrat e adresave të internetit (domainet) regjistrohen në Rusi, pagesat e kartave të kreditit menaxhohen nga banka në Azerbajxhan, dhe produkti përfundimtar (ilaçet) dërgohen nga ndërmarrje në Indi.

Infrastruktura e biznesit të Spamit sipas këtij studimi me sa duket rrotullohet rreth një numri të vogël programesh afiliate të cilat koordinojnë aktivitetet ndërmjet firmave në fjalë.

Për më shumë lexoni përmbledhjen e New York Times. dhe
Technology Review.

Ndërsa këtu keni linkun tek file/studimi origjinal në formatin PDF

[PDF] End-to-End Analysis of the Spam Value Chain

Si funksionon Spami modern shkruar tek: eklipsi.com

Ky është një vazhdim i rubrikës Koncentrat Nga Interneti! Sot do ju prezantojmë me disa faqe të reja (besoj për shumicën nga ju) të cilat janë mjaft të nevojshme dhe besoj që do përmirësojnë sadopak qëndrimin/eksperiencën tuaj në internet.

StereoMood

I – StereoMood.com
StereoMood është një radio interneti ku mund të dëgjosh muzikë falas, një radio inteligjente e cila të sugjeron muzikën sipas gjëndjes shpirtërore të momentit. Mund të thuhet që është më shumë se një radio online, është një shërbim i cili të lejon të përjetosh emocionet nëpërmjet muzikës.

Ninite

II – Ninite.com
Ninite është mënyra më e thjeshtë për të instaluar programet! Nëse jeni në kërkim të programeve bazë për kompjuterin tuaj, nëse sapo keni bërë një riformatim të kompjuterit atëherë Ninite është shërbimi që po kërkoni. Me një proçedurë shumë të thjeshtë instalimi, në pak momente kompjuteri juaj do jetë i gatshëm dhe operativ. Nuk ju kërkon të krijoni llogari me ta, nuk instalon toolbars që zakonisht shoqërohen me programet e ndryshme gjithashtu në çdo moment keni në dispozicion versionet e fundit të programeve që dëshironi! Shumë i nevojshëm!

Zamzar

III – Zamzar.com
Dëshironi të konvertoni file të ndryshme? Në ndihmë ju vjen zamzar! Mundësitë që ofron janë të pafundme. Mund të konvertoni gati çdo lloj file/formati (5 njëkohësisht pa krijuar llogari, 20 nëse krijoni llogari me zamzar) i cili pas përfundimit të proçesit konvertues ju dërgohet tek emaili juaj. Për llogaritë falas limiti i fileve është në 100Mb, nëse krijoni llogari me ta limiti rritet në 1Gb!

Cuevana

IV – Cuevana.tv
Cuevana është një faqe e cila ju ofron në stream, nga fonte të ndryshme, filmat dhe serialet e fundit! Në varësi të browserit që përdorni do ju kërkohet të instaloni një Addon (per firefox), extension (për Chrome & Safari) dhe pastaj jeni të gatshëm të përdorni faqen e tyre për të parë atë që dëshironi në stream.

SkreemR

V – SkreemR.com
SkreemR është një motor kërkimi, për këngë mp3, i cili ju jep mundësinë ti shkarkoni ato në kompjuterin tuaj! Shërbimi duket goxha interesant dhe shumë i shpejtë. Nëse kërkoni këngët do vini re që ju ofrohen burime të ndryshme nga ku mund të shkarkoni këngët që ju pëlqejnë.

PopUrls

VI – PopUrls.com
PopUrls është një agregues linkesh. Agregohen/mblidhen linket më interesante të internetit në një faqe të vetme nga burime të ndryshme si: twitter, digg, reddit, delicious, fark, youtube, flickr, etj. Për të qënë i informuar me lajmet më të fundit dhe më të rëndësishme është një faqe që duhet mbajtur pranë pasi do vini re që këtë funksion e kryen shumë mirë.

Koncentrat Nga Interneti #2 shkruar tek: eklipsi.com

Jo të gjithë janë në dijeni të sasisë së produkteve që ofron Google. Për tu gjëndur më pranë përdoruesve të tij ata kanë gjetur një mënyrë origjinale, të shoqëruar me një sens të hollë humori, për të prezantuar produktet më pak të njohura tek publiku i gjerë. Janë pikërisht përdoruesit të cilët do konkurojnë me njëri-tjetrin për ti treguar botës produktet e ndryshme të Google dhe do jenë shikuesit te cilët do votojnë këto demo në bazë të cilësisë së tyre.

Personalisht ideja më pëlqen dhe më duket tepër interesante. Ajo që bie në sy është dhe fakti që faqja prezantohet në flash dhe jo në HTML5.

Më poshtë mund të shikoni demo-n e bërë për aplikacionin “Voice Search”

Për sfida të tjera interesante vizitoni: DemoSlam

Google me nje ide tjeter origjinale shkruar tek: eklipsi.com

Pirati Tipik

Çfarë nënkupton ky lajm? Filmat në cilësi 1080p, BluRay, kanë qënë të disponueshëm kohë më parë në adresa të ndryshme torrent për tu shkarkuar. Cfarë ndikimi do ketë ky lajm tek “pirateria”?

Ky lajm nuk ka asnjë lidhje me “krakimin e disqeve BluRay” për të bërë ekstrakt përmbajtjen e tyre. Ajo që është arritur është thyerja e “The HDCP master key” i cili bën të mundur çkodimin e kriptimit (mbrojtjes) të të dhënave që kalojnë midis aparaturës dhe diskut BluRay, rrjedhimisht lejimin e kopjimit të këtyre të dhënave.

Interesantja e këtij lajmi qëndron tek fakti se, (pak histori) para se të “krakohej” formati DVD, ishte gjithmonë e mundur që të lidhej një “DVD Player” me “video in” të një karte video për të regjistruar filmin, ndërkohë që ai është në play, pasi, ndërkohë që përmbajtja e DVD ishte e kriptuar imazhet/të dhënat e dërguara tek destinacioni (TV, PC,…) nuk ishin të tilla. E njëjta llogjikë që qëndronte pas kopjimit të kasetave LP, VHS.

Zakonisht kjo quhej “vrima analoge”. e çdo skeme mbrojtjeje/DRM pasi ishte gjithmonë e mundur të arrije të merrje të dhënat në momentin që ato konvertoheshin nga forma digjitale në sinjal analog (një valë zëri, një imazh…), fundja ajo që ne kemi nevojë është aftësia të shikojmë dhe të dëgjojmë (filmin).

HDMI ishte menduar pikërisht për të mbyllur këtë “vrimë” duke kërkuar që të gjithë komponentët e HDMI të punojnë me sinjal të kriptuar dhe vetëm atyre që pranonin tu bindeshin rregullave, pra cilitdo “Konsorc” që prodhonte “komponentët”, i jepej çelësi për të dekriptuar të dhënat. Sigurisht një nga kërkesat ishte mohimi i mundësisë për të ruajtur “të dhënat” që ishin markuar si “të mbrojtura”. Qëllimi ishte që mos të kishit kurrë mundësi të lidhnit kavon HDMI me një çfarëdo PC të lirë dhe të regjistronit “sinjalin” siç ishte e mundur për DVD.

Tani që kodi është thyer do jetë e mundur të rikthehet ajo “vrima analoge” e mëparshme dhe të gjithë do kenë të mundur të ruajnë çfarëdo të dhëne që kalon nëpërmjet kavos HDMI.

Gjithashtu mund të nënkuptojë që tani, me shumë mundësi, ndonjë fabrikë Kineze do fillojë të krijojë aparatura që përdorin HDMI pa patur nevojë të regjistrohen (pa patur nevoje ti binden ligjit) të Konsorcit (që ka prodhuar komponentët) dhe mban të drejtat mbi HDMI. Ndaj së shpejti me shumë mundësi do shikojme klone të aparaturave që suportojnë “full 1080i HDMI” me opsion ruajtjen e “të dhënave” nëpër aparatura apo kompjutera…

Sigurisht është një goditje e rëndë ndaj “atyre” të cilët kanë hedhur/investuar miliona dollarë për kërkimin dhe zhvillimin e kësaj teknologjie!

Për ta mbyllur po ju lë me një link i cili tregon në mënyrë vizive raportin e Piratëve me Autoritetin!

burimi: Slashdot, Rudd-O
imazhi: Pirate Dog

Thyhet kodi kriptues i HDMI! Cfare nenkupton kjo gje? shkruar tek: eklipsi.com

E ardhmja?

Me nje kapacitet prej 5 MB, ne fotografine e mëposhtme keni mundësinë të shikoni njësinë e Hard Diskut 350 të IBM i cili mund të mbante afërsisht 2 file MP3!

IBM 350

Në faqen e IBM ka informacione më të zgjeruara rreth modelit në fjalë.

Momentalisht në 2010 gjëndemi me një kartë 64GB të SD në dispozicion të të apasionuarve (apo të atyre që kanë nevojë për këtë sasi memorie në një SD)!

SD 64GB

Tani parashikohet që Sony ne bashkepunim me SanDisk të nxjerrë në treg kartat SD me nje kapacitet 2TB! Që do të thotë pak a shumë rreth 800.000 këngë në format MP3!

SD 2TB

Interesant evolucioni i arritur në këtë drejtim (raporti: permasa – sasi)!

1956 – 2010 (2014?) e ardhmja? shkruar tek: eklipsi.com

Nëse hapni një biznes është e natyrshme që të tregoheni të kujdesshëm mbi konkurencën tuaj! Të shikoni se çfarë po bëjnë ata dhe të merrni hapat e duhur për të mos lejuar që ata të marrin copëza nga pjesa e tregut tuaj! E njëjta situatë është edhe me faqet dhe bizneset online, i njëjti princip zbatohet edhe këtu. Ju duhet, që në mënyrë të vazhdueshme të shikoni çfarë po bëjnë konkurentët tuaj, nëse kanë bërë ndonjë ndryshim apo ndonjë ofertë të re. Për më tepër ju mund të jeni të interesuar dhe se çfarë teknologjie po perdorin dhe në të njëjtën mënyrë ta shtoni edhe ju tek faqja juaj.

Në Google Chrome, kjo bëhet e mundur me anë të shtesave (extensions) të shumta të cilat ju mund ti përdorni për të qënë i axhiornuar mbi konkurencën.

1. Web developer toolbar

WebDeveloperTool

Kjo është më shumë e nevojshme për “Zhvilluesit e WebFaqeve”. Më parë kjo mundësi ishte e disponueshme vetëm për FireFox, por tani është shtuar dhe në radhët e Google Chrome. Nëse ju tërheq designi i ndonjërit prej konkurentëve të tu, dhe ju doni të jeni në dijeni se si ai e ka ndërtuar atë, atëherë ju vjen në ndihmë ky extension i cili ju lejon të analizoni elementët html të faqes në fjalë. Ka aftësi të listojë gjithçka si CSS, stack levels, gjithashtu edhe javascript dhe meta tags.

Pra nëse po pyesni veten pse konkurenti juaj po renditet në pozicionet e larta të motorëve të kërkimit, mund ti hidhni një sy strukturës së designit dhe të shikoni se çfarë po bëjnë ata në mënyrë që të përshtateni, apo të përmirësoheni edhe ju.

2. Chrome SEO

ChromeSeo

ChromeSEO ju lejon të gjeni të dhënat SEO të faqes që ju intereson. Ju tregon një listë me rezultate, duke përfshirë numrin e faqeve të indeksuara, renditjen në Google PR, renditjen në Alexa, statistikat sipas QuantCast, numrin e backlink, numrin e bookmarks etj etj.

3. Ka: The Keyword Analyzer

Keword Analyzer

Nëse jeni të interesuar të renditeni në vëndet e para të motorëve të kërkimit, ndoshta do ju interesonte të shikoni vendin e parë dhe të shikoni se cilën fjalë kyçe (KeyWord) po përdorin për të zënë atë pozicion. në çdo faqe ju mund të përdorni këtë extension për të analizuar përdorimin e fjalëve kyçe në faqe të veçanta. Ju duhet të regjistroni një API key para se ta përdorni këtë extension. Ju lejon të skanoni deri në 30.000 faqe në ditë, kjo do jetë mëse e mjaftueshme për përdorimin ditor.

4. RSS Subscription

eklipsi RSS

Mënyra më e mirë për të qënë në kontakt me të rejat e konkurentit tuaj është të regjistroheni në feed RSS të tij, në këtë mënyrë shikoni vazhdimisht se çfarë po shkruajnë çdo ditë. Google Chrome momentalisht nuk e ka të implementuar këtë opsion, ndaj ky extension do luajë rolin e opsionit në fjalë derisa versionet e reja ta kenë në default.

5. SEO SERP

Seo SERP

SEO SERP është një ndihmë e madhe që ju ofrohet për të monitoruar faqet konkurente, dhe të shikoni rezultatet dhe performancën në motorët e kërkimit. ju jep mundësinë të listoni një fjalë kyçe të veçantë dhe të shikoni renditjen e një faqeje specifike. Mund të listoni disa Fjale Kyçe apo disa Faqe Web.

Qendro ne hapat e konkurences me Google Chrome shkruar tek: eklipsi.com