Hulumtues të MIT kanë krijuar një sistem të ri imazhi i cili mund të arrijë të ruajë të dhëna vizuale në sasinë e një trilion ekspozimeve në sekondë. Bëhet fjalë për një shpejtësi të mjaftueshme për të krijuar një video me lëvizje të ngadaltë slow-motion të një hovi të dritës. Eksperimenti është bërë me një shishe 1 litërshe ku na serviret kalimi i dritës në të.

Përdorimet e mundshme të këtij sistemi në të ardhmen, sipas hulumtuesve në fjalë, do jenë Medical Imaging diagnoza ndërmjet imazheve të pjesëve të trupit të cilat nuk mund të vështrohen nga jashtë, përdorimi industrial apo ai shkencor dhe në të ardhmen edhe për fotografinë e thjeshtë.

Për më shumë shikoni videon:

burimi: MIT News
imazhi: Mikeblogs

Te fotografosh driten shkruar tek: eklipsi.com

Ky vizualizim tregon rrymat oqeanike të sipërfaqes ujore rreth e rrotull tokës për periudhen Qershori 2005 – Dhjetor 2007.

Gjatë videos nuk janë përfshirë komente apo shpjegime mbi çfarë po ndodh, qëllimi ishte përdorimi i të dhënave për të krijuar një eksperiencë të thjeshtë dhe njëkohësisht të fortë.

Pamjet vizive janë krijuar duke përdorur modelin kompjuterik të NASA/JPL i cili quhet Vlerësimi i Qarkullimit dhe Klima e Oqeanit, Phase II ose ECCO2…

ECCO2 është një model i Oqeaneve dhe Akullnajave. Ai tenton të modelojë vorbullat, rrymat oqeanike dhe akullnajat të cilat transportojnë nxehtësi dhe karbon nëpër oqean, në rezolucione sa më të larta.

Modeli ECCO2 simulon rrymat oqeanike në të gjitha thellesitë, por në këtë video janë paraqitur vetëm ato sipërfaqësore.

burimi: NASA/Goddard Space Flight Center Scientific Visualization Studio
imazhi: pedrofreiman (cc)

Rrymat Oqeanike ne nje model kompjuterik shkruar tek: eklipsi.com

Për të gjithë të apasionuarit e muzikës tashmë një shërbim i ri interesant ofron 40 këngët më të dëgjuara nga përdoruesit e Twitterit.

Paraqitja e këngëve është shumë e thjeshtë në formë liste të numëruar e cila ndryshon sipas popullaritetit që një këngë e caktuar arrin në twitter.

Designi i faqes është shumë i thjeshtë dhe efektiv selektimi i këngëve me sa duket bëhet në bazë të numrit të postimit të tyre, sa më shumë herë një këngë postohet aq më lart në klasifikim pozicionohet.

Faqja në fjalë është TopForty.

Ps: Mos harroni të na ndiqni në Twitter tek @eklipsi.

Top 40 kenget nga Twittosfera shkruar tek: eklipsi.com

Ardit Bajraktari është krijuesi i aplikacionit StoryFun (Në Anglisht, duke qenë se i drejtohet tregut të gjerë botëror). Momentalisht ai është i punësuar full time tek yammer por gjate kohës së lirë, duke ndjekur pasionin e tij, ka krijuar aplikacionin në fjalë.

StoryFun, me fjalët e autorit:

StoryFun është një projekt për prindërit: Doja të ndaja diçka me ju që kam qenë duke punuar kohët e fundit. Ky është një aplikacion (libër me tregime) drejtuar fëmijëve dhe është në dispozicion për iPad. Aplikacioni përmban 11 tregime, 3 prej të cilave janë falas. Ai ka si objektiv audiencën e fëmijëve që i perkasin moshës nga 1,5 deri në 4 vjeç.

Nëse ndonjë prej jush ka fëmijë të kesaj moshe, ose keni të afërm të familjes / miqve, ju lutem ta shkarkoni atë (shkarkimi është falas). Çdo reagim/reçension ndaj tij është i mirëpritur. Ky është një produkt i frymëzuar nga dy mbesat e mia.

Linku për shkarkimin falas të aplikacionit në dyqanin e Apple: http://itunes.apple.com/us/app/id411269443

Për më shumë vizitoni: StoryFun

Arditin mund ta ndiqni gjithashtu edhe ne Twitter @ardit33

StoryFun – Nje projekt interesant nga Ardit Bajraktari shkruar tek: eklipsi.com

Nëse dëshironi një ftesë për Google+ mund të lini një koment më poshtë tek ky artikull dhe do ju dërgoj një ftesë!

Me sa duket për momentin nuk ka asnjë limit për ftesat, në momentin që ju hapni llogarinë tuaj keni mundësi të ftoni sa kontakte të dëshironi. Të paktën me sa duket G e kuptoi gabimin që bëri me projektin e mëparshëm Google Wave dhe tani po tregohet më e kujdesshme duke i lënë të futen përdoruesit!

Në këtë fazë Trial Google nuk lejon që të regjistrohen përdorues nën moshën 18 vjeç për të provuar Google+ ndërsa për ata nën moshën 13 vjeç nuk ka plane definitive as për të ardhmen.

Ps: Pasi të hapni llogarinë, personin që ju fton mund ta bllokoni (nëse nuk e njihni) duke qënë se pak a shumë llogjika e Google+ është ajo e Facebook dhe njerëzit do fillojnë ta përdorin njësoj, ndaj kësaj radhe mundohuni të ruani sadopak privatësinë.

Përditësim: Me sa duket nuk është më e nevojshme për ftesë provoni këtë linkun Google+. Sdq nëse akoma ju thotë që është në fazë të limituar dhe nuk arrini të futeni lini emailin që të ju dërgoj 1 ftesë.

Deshironi nje ftese per Google+? Lini nje koment! shkruar tek: eklipsi.com

Google me një deklaratë zyrtare ka dhënë lajmin për krijimin e fundit të tij, Google+. Lajmi është dhënë tek GoogleBlog.Blogspot.com.

Kjo është tentativa e fundit e tyre për të qënë pjesëmarrës aktivë në “Rrjetin Social”, fenomeni i viteve të fundit, i cili dominohet nga Facebook. Duhet pranuar ama fakti që konkurenca ka të mirën e saj, na sjell produkte të reja dhe shtyn para në nivele të reja zhvillimin e teknologjisë. Të shikojmë se çfarë impakti do ketë Google+ kundrejt rivalit kryesor, Facebook.

Nëse dëshironi ti hidhni një sy Google+ vizitoni këtë link për të parë një demo.

Për të lexuar diçka më të detajuar mund të lexoni artikullin e Wired mbi projektin në fjalë.

Për të provuar Google+ mund të vendosni emailin tuaj në listën e pritjes këtu.

Google ofron Google+! Tentativa e re e tij ne “Social” shkruar tek: eklipsi.com

Kore e Jugut, Tesco ka krijuar një dyqan virtual në metro nga ku pasagjerët mund të blejnë produkte të ndryshme nga raftet virtuale të projektuara në mur.

Me anë të telefoneve, duke i drejtuar për nga kodi QR mbi produktin e dëshiruar, ata arrijnë ti porositin dhe ti vendosin në shportën e tyre. Pasi mbarojnë së zgjedhuri produktet, paguajnë, dhe produktet ju dorëzohen në adresën e dëshiruar.

burimi: AdverBlog

Shopping ne metro shkruar tek: eklipsi.com

Koncepti që qëndron pas Show Hopping është i thjeshtë – vendosni një vendndodhje, një rreze për të kërkuar brënda saj dhe një listë të grupeve muzikore që ju interesojnë (ose selektoni Allow All).

Faqja, pastaj, përpunon informacionin e dhënë dhe krijon një kombimin me koncertet e ardhshme në zonën tuaj, nga Last.fm, në një hartë interaktive. Është e thjeshtë, efektive dhe çuditërisht shumë e saktë!

Edhe nëse nuk po kërkoni për ndonjë koncert në zonën ku jetoni, ju këshilloj ta provoni është një aplikacion i ndërtuar në mënyrën që duhet!

Show Hopping nuk pretendon as që të krijoni një llogari me ta për të përdorur shërbimin e tyre! Çfarë kërkoni më shumë? Një punë e shkëlqyer.

Kerkoni koncertet e artisteve te preferuar me Show Hopping shkruar tek: eklipsi.com

Nëse je një nënpunës zyre apo një i fiksuar pas lojrave online apo internetit, mund të kalosh kohën më të madhe të orëve duke fiksuar një ekran, duke mos shijuar, prekur, nuhatur, pra duke mos përdour shumë nga senset e tua. Sa më përfshirës, joshës, do ishte ambienti që na rrethon nëse do kishim kompjuter më interaktivë me senset tona? Kjo është pikërisht baza e dekorimit të informacionit, i cili tenton të shtrijë ndërfaqen digjitale përtej ekranit të një kompjuteri apo telefoni celular.

Jasteku Glo

Teknologjia Humane tenton të trajtojë njerëzit si organizma sensoriale, për të jetuar në një ambient të pasur tridimensional. Neurologet deri tani kanë gjetur nga 9 në 20 sense të ndryshme tek njerëzit. Ka ardhur momenti për tu përkushtuar më shumë kundrejt atyre që mund të na përmirësohen me funksionimin e teknologjisë. Alarmi në 7 të mëngjesit mund të jetë zakoni, por sigurisht do ndiheshim më mirë nëse zgjimi do bëhej me anë të një drite graduale nga jastëku ynë.

Këtë po tenton te bëjë Glo dhe kjo është me të vërtetë një gjë e dobishme.

Jasteku Glo – Teknologjia ne ndihme te njerezve shkruar tek: eklipsi.com

Google Wallet është një aplikacion Android i cili transformon celularin në një portofol. Ruan në mënyrë virtuale versione të kartave të kreditit plastike në telefonin tuaj.

Mjafton thjesht të shtypni ekranin e celularit për të paguar, gjithashtu mund të kërkoni për oferta duke përdorur NFC.

Google Wallet

Mund ti hidhni nje sy ketu

Google Wallet – Portofoli ne celularin tuaj shkruar tek: eklipsi.com