Projektrregullorja “Rregullore për rregjistrimin dhe mbajtjen e të dhënave të krijuara ose të përpunuara nga ofrimi i shërbimeve dhe/ose rrjeteve të komunikimeve elektronike” vënë për konsultim publik para se të miratohet nga AKEP.

Para disa kohësh Google doli në çdo faqe të parë të lajmeve për faktin që hackers Kinezë penetruan disa nga shërbimet e saj si, Gmail, në një tentativë politike të Kinës për të mbledhur informacione mbi disidentët! Lajmi sidoqoftë nuk është ai i tentativës së sofistikuar (të sukseshme apo jo?) por ai që pikërisht qeveria Amerikane i kishte ndihmuar vete pa dijeninë e saj.

Duke dashur të bashkëpunojë me mandatet e qeverisë, mbi mbledhjen e të dhënave të përdoruesve të tij, Google kishte krijuar një backdoor (derë të pasme) tek llogaritë e Gmail. Kjo mundësi ishte ajo që u shfrytezua dhe nga hackerët Kinezë për të patur akses.

Sistemi i Google (apo propozimi i AKEP) nuk është i vetëm. Qeveri të ndryshme perëndimore, Suedia, Kanadaja, UK, po tentojnë të aprovojnë ligje të cilat ju japin fuqi të plota mbi survejimin e Internetit, në raste të ndryshme duke ju kërkuar kompanive të ridizanjojnë edhe produktet apo shërbimet që shesin.

Shumë të tjerë po kalojnë dhe ligje mbi “ruajtjen e të dhënave” të klientëve të tyre. Në Amerikë ligji i 1994 (Presidenca Klinton) Communications Assistance for Law Enforcement Act ju kërkonte kompanive telefonike të lehtësonin përgjimin nga ana e FBI, që nga 2001, NSA ka ndërtuar sisteme të ndryshme survejimi me ndihmën e po këtyre kompanive.

Problemi është se sisteme të tilla ftojnë në keqpërdorim, kriminelë që bëjnë për vete këtë sasi të dhënash, abuzim qeveritar apo aplikim i tyre sipas dëshirës së autoritetit. Siç dihet FBI shumë herë ka përgjuar telefonat e Amerikanëve në mënyrë të jashtëligjshme, nën pretekstin e luftës ndaj terrorizmit, 3500 herë nga 2002 deri me 2006 pa një mandat. Survejimi dhe kontrolli i të dhënave në Internet nuk do jetë aspak ndryshe.

Abuzimi zyrtar është shumë i keq, por ajo që duhet të na shqetësojë nuk është vetëm ai zyrtari po edhe ai jo-zyrtar. Çdo sistem survejimi apo kontrolli duhet të sigurohet gjithashtu. Një infrastrukturë survejimi dhe kontrolli domosdo kërkon që edhe për vete të ketë survejim dhe kontroll, të dyja, nga njerëz që dihen dhe nga ata që nuk dihen (hackerët kinezë?).

Hackerët Kinezë shfrytëzuan sistemin që Google kishte ndërtuar për të ju bindur urdhërave të përgjimit nga qeveria Amerikane. Rasti i fundit i Sony me humbjen e informacionit të perdoruesve të tij na tregon shumë qartë që nuk janë vetëm “zyrtarët” të aftë për të mbledhur të dhëna nga Interneti apo për të përgjuar bisedat private të përdoruesve të Internetit, madje duhet preçizuar që ata “jo zyrtarët” shpeshherë për të mos thënë gjithmonë, janë më efikasë se “zyrtarët”.

AKEP kërkon të aprovojë një rregullore e cila kërkon që të ngrejë një infrastrukturë që lejon survejimin e telefonatave të ndryshme dhe e-maileve të shkëmbyera nga shtetasit Shqiptarë. Rasti i NSA, të cilët kanë kohë që e kanë aprovuar këtë metodë pas 11 shtatorit, na kujton metodën e tyre, duke mbledhur më shumë të dhëna se sa ju lejohej dhe duke përdorur sistemin për të përgjuar gratë, të dashurat apo zyrtarët si presidentin Klinton.

Por ai i mësipermi nuk është keqperdorimi më serioz i infrastruktuarve të survejimit të telekomunikacionit. Në Greqi, midis Qershorit të 2004 dhe Marsit të 2005, dikush përgjoi dhe regjistroi më shumë se 100 telefonë celularë të cilët ju përkisnin anëtarëve të qeverisë Greke: Kryeministrit, Ministrit të mbrojtjes, punëve të jashtme dhe drejtësisë.

Ericsson ndërtoi këtë kapacitet regjistrimi në produktet e Vodafone, kapacitet i cili aktivizohej vetëm nga qeveritë që bënin kërkesën. Greqia nuk ishte një nga këto qeveri, por dikush që akoma nuk dihet — Ndoshta rival politik? Krimi i organizuar? Shërbimet e spiunazhit të huaj? — gjeti mënyrën si ta aktivizonte këtë opsion!

Infrastrukturat e survejimit mund të eksportohen, të cilat shtojnë më shume atë mendimin e totalitarizmit rreth e përçark globit. Kompani të ndryshme perëndimore si Siemens dhe Nokia kanë ndërtuar sistemin e survejimit të Iranit. Kompani të ndryshme Amerikane kanë ndihmuar në ndërtimin e shtetit policor elektronik Kinez. Vetëm vitin e kaluar anonimiteti i Twitterit shpëtoi jetët e disidentëve Iranianë, ai anonimitet që qeveritë po tentojnë të eliminojnë.

Pas deklaratës së Google, disa anëtarë të Kongresit Amerikan po tentojnë të risjellin në jetë një ligj i cili eliminon mundësinë e bashkëpunimit të kompanive teknologjike me qeveritë të cilat spiunojnë në mënyrë digjitale qytetarët e tyre. Me sa duket këta legjislatorë nuk kanë kuptar që qeveria e tyre është vetë në atë listë.

Duhet të mësohemi, adaptohemi, me këto ndryshime. Çdo vit po sjell më shumë kontroll dhe censurë të Internetit, jo vetëm në shtete si Kina apo Irani por dhe në ato perëndimore si Shtetet e Bashkuara të Amerikës, Mbretëria e Bashkuar, Kanadaja dhe shtete të tjera të lira, duke u shtyrë çdo ditë e më shumë nën pretekstin e luftës ndaj terrorizmit, ndaj pornografisë minorene, ndaj kriminelëve të tjerë apo nga kompanitë e ndryshme të mediave në tentativën për të ndaluar ndarjen e file-ve (filmave, muzikës…)

Problemi është se një kontroll i tillë nuk na siguron, përkundrazi. Duke anashkaluar arsyetimin nëse përgjuesit janë të mirët apo të këqinjtë, sisteme të tilla thjesht na vendosin të gjithëve në rrezik. Sistemet e komunikimit të cilat nuk kanë kapacitet survejimi janë më të sigurta se sistemet me ato kapacitete të ndërtuara në to. Gjithashtu është një higjienë civile e pisët të ndërtosh teknologji të cilat lehtësisht mund të ndihmojnë një të nesërme një shtet policor.

Rregullorja e AKEP nuk duhet aprovuar! shkruar tek: eklipsi.com

Dy studiues të sigurisë online, Alistair Allan dhe Peter Warden, kanë zbuluar që iPhone i Apple mban të dhëna mbi spostimet e përdoruesve të tij duke ruajtur çdo detaj të kësaj lëvizjeje në një file sekret në aparaturë, të cilat, pastaj, kopjohen dhe ruhen tek kompjuteri personal kur iPhone sinkronizohet me të.

File në fjalë mban të shënuar gjerësinë dhe gjatësinë e koordinatave të vendndodhjes të cilat memorizohen së bashku me kohën e saktë, gjë që nënkupton që, kushdo që vjedh telefonin apo kompjuterin mund të zbulojë detaje të sakta mbi lëvizjet e pronarit me një program të thjeshtë, për të mos folur për thyerjen blatante të privatësisë.

Për telefonë të ndryshëm (në varësi të kohës së blerjes), të dhënat mund të arrijnë dhe një periudhë 1 vjeçare, pasi ruajtja e tyre me sa duket ka filluar që me axhiornimin e sistemit operativ, Apple iOS 4, të telefonit, lëshuar në Qershor të 2010!

“Alasdair ka kërkuar gjithashtu për kod të tillë ndjekës në telefonët Android të Google dhe nuk ka gjetur asnjë gjë të ngjashme”

Thotë Warden.

“Nuk kemi rastisur në asnjë gjë të ngjashme as nga prodhues të tjerë telefonësh deri tani.”..

“Fakti që file në fjalë transferohet tek telefoni i ri iPhone apo iPad në rast migrimi në produktin e ri është prova që mbledhja e këtyre të dhënave nuk është aksidentale.”

Sistemi i iPhone me sa duket i ruan të dhënat me apo pa pranimin e përdoruesit. Apple ka refuzuar të japë komente mbi situatën e krijuar, se pse file në fjalë është krijuar apo nëse është e mundur ta ç’aktivizosh atë…

Allan dhe Warden kanë vendosur një faqe online ku ju përgjigjen pyetjeve të ndryshme që kanë lindur nga ky zbulim i tyre.

Apple, sidoqoftë, mund të pranojë se nuk po thyen asnjë ligj mbi këtë mbledhje të dhënash që po bën: Afer fundit të TOS për programin e tij iTunes, i cili përdoret për sinkronizimin me iPhone, iPods dhe iPads, ka një paragraf ku flet mbi “Location-Based Services” i cili e bën të ligjshme këtë praktikë të saj në momentin që ështe pranuar TOS në fjalë.

Për më shumë informacione mbi këtë lajm mund të lexoni artikullin e zgjeruar të Guardian.

iPhone regjistron te gjitha levizjet tuaja shkruar tek: eklipsi.com

Duhet të lexoni postën elektronike? Jeni administrator/moderator në ndonjë forum të rëndësishëm? Dëshironi të përdorni Facebook?

Kini kujdes kur përdorni Internetin në Shqipëri! U bënë disa raste që po dëgjoj nga miq të ndryshëm të cilët kanë rënë pre e një trendi të ri(?) shqiptar! Vjedhja e informacioneve personale! Fjalëkalime të Facebook, të dhënat personale të kartës së kreditit, fjalëkalime e-maili etj etj.

Viktimat tipike janë të rinjtë emigrantë të cilët futen dhe përdorin “Internet-Kafete” në qytetet e ndryshme shqiptare. Interneti, duhet pranuar, kohët e fundit po jeton një boom në përdorim dhe në Shqipëri. Kompanitë e ndryshme shqiptare po ofrojnë shërbime të reja dita ditës. Shtëpitë shqiptare po pajisen me kompjutera dhe me linja interneti dita ditës.

Problemi qëndron tek të rinjtë që kthehen me pushime, qëndrimi i tyre është disa ditor/javor dhe me shumë gjasa vizitojnë më shumë vëndet bregdetare dhe mundësia për një akses Interneti është shumë e limituar. Mundësia e tyre e vetme është pikërisht ndonjë nga të shumtat qëndra interneti ku ofrohet ky shërbim.

Çfarë ndodh? Ndodh që këto qëndra interneti kanë një ”Administrator” (situata tipike: një çun i ri i cili gjatë kohës së punës lundron vetë në Internet dhe me anë të një programi administrues kontrollon orarin e aksesit të klientit për tarifa të caktuara).

Qëndrat e Internetit në Shqiperi kanë disa vite që kanë hapur dyert e tyre si një formë e re “biznesi” mjafton një hyrje (me qera) një numër i konsiderueshëm kompjuterash + një linjë interneti dhe ngrihet në këmbë një ”biznes” i ri! Fillimisht kur shërbimi i Internetit ishte akoma i limituar shumica e këtyre qëndrave ofronin lojrat “multiplayer” si ProEvolution Soccer, CounterStrike apo Call of Duty, Interneti perdorej vetem per “Chat” me anë të programit mIRC ku shqiptarët komunikonin ndërmjet tyre ne servera te ndryshëm shqiptarë apo të huaj, më vonë me hyrjen e Internetit në masë dhe rritjen e kërkesës për një akses të tillë, kjo formë biznesi i lojrave (multiplayer) online u zevendesua në përdorimin në masë të internetit.

Tashmë me sa duket revanshi i ka kaluar rrjetit social “Facebook” sdq nuk mungojnë ata të paktë vizitorë që e përdorin për të lexuar postën elektronike apo për të kryer blerje online.

Problemi është se mosha tipike e Administratorit (të punësuarit) të këtyre qëndrave është ajo “adoleshente” dhe siç dihet një moshë e tillë është ajo e rebelimit. Të gjithë me një lundrim në internet ndihen “Crackers” (Hackers për adoleshentët) me akses të plotë tek të gjithë kompjuterat e qëndrës ku ata punojnë. Me një liri përdorimi të plotë të këtyre kompjuterave në fjalë, lëvizja tipike e tyre është instalimi i “keyloggers” në to dhe mbledhja e të dhënave të viktimës së radhës!

Shpesherë rastis të lexoni në statuset e miqve tuaj në Facebook, postime të ndryshme ofenduese/denigruese të cilat padyshim ju që i njihni miqtë tuaj sjellje të tilla ju vënë në dyshime dhe reagimi është: lajmërimi i personit apo kontaktimi i tij në mënyra të tjera përveç facebook (telefon) për ti pyetur se ku qëndron problemi, përgjigjia tipike e tyre është 

( – Mosss, do kem lënë hapur llogarinë e Facebook tek internet kafeja ku isha 20 min më parë…).

Por ajo që nuk dinë është se ata (zakonisht të rinjtë në këto kohë që po jetojmë janë edukuar me “mbylljen e llogarive në kohën që ngrihen nga kompjuterat ku përdorin fjalëkalimet personale”) në të vërtetë kanë rënë pre e një mashtrimi pikërisht nga “Administratori” (i punësuari) akka “legeni” i qendrës së internetit!

Ajo që duhet të bëni është që TE MOS PERDORNI NE ASNJE MENYRE qëndrat e Internetit (kudo jo vetëm në shqipëri) për të kryer blerje online, nuk duhet të vendosni fjalëkalime të email-eve ku mbani të dhëna personale të rëndësishme si psh “fjalëkalime hosti” (pasi brënda ditës do shikoni domainet që do transferohen dhe do humbisni gjurmët e tyre), do shikoni që karta juaj e kreditit është përdorur dhe me të janë kryer blerje me shuma të ndryshme parash, nëse keni aksese të rëndësishme në faqe të ndryshme psh Admin forumi NE ASNJE MENYRE mos përdorni qëndrat e internetit (pasi keni një përgjegjesi të madhe në kurriz, listat e email-eve të anëtarëve tuaj)!

Pra të dashur miq tregoni kujdes në Internet pasi do shikoni që do ju zhduket puna e disa viteve brënda disa orëve!

Mundësi tjetër kohët e fundit siç kemi mësuar është dhe denonicimi në zyrën përkatëse të policisë së Tiranës! Për gazetën Standard është prononcuar shefi i seksionit të ri në policinë e Tiranës për Krimin Kompjuterik Hergis Icja i cili vë në dijeni qytetarët për masat e sigurisë që duhen marrë dhe gjithashtu njofton që nëse ju bini viktimë i një krimi të tille duhet patjeter ta denonconi atë, në këtë mënyrë autoritetet përkatëse do kryejnë funksionin e tyre!

Keni patur ndonjë eksperiencë të tillë? Si e keni zgjidhur?

Tregoni kujdes me internetin ne Shqiperi! shkruar tek: eklipsi.com

Keshilla mbi Facebook

Aktualisht me opsionet në “Default”, Facebook, arrin të mbledhë informacione të detajuara mbi të gjithë përdoruesit e tij, si psh adresat e tyre, anëtarët e familjes, pikëpamjet fetare, politike, lidhjet e ndryshme etj.

Big Brother në fjalë nuk ka nevoje të ndjekë në mënyrë të fshehur lëvizjet tuaja! Ata bëjnë të mundur që familjarët e tu, e dashura, miqtë e ngushtë, të dokumentojne duke etiketuar (taguar) dhe komentuar gati çdo lëvizje që ju bëni. Mos të flas pastaj për Foursquare :@!!!

Privatësia në Internet po zhduket dita ditës, kini kujdes, ruajeni ate!

Para disa ditësh Facebook bëri sërish disa ndryshime në opsionet e përdoruesve të tij! Më poshtë do ju tregoj disa nga ndryshimet që duhen bërë tek profili juaj (për të ruajtur atë pak privatësi që ka mbetur), të cilat nëse akoma nuk i keni modifikuar do ishte në avantazhin tuaj ta bënit.

Ruajtja e Privatësisë

Klikoni tek Account -> Privacy Settings -> What your friends can share about you

Cfarë Mund Të Ndajnë Miqtë Tuaj

Fillimisht (nese nuk e keni bere akoma), këshilloj të ndryshoni opsionin “What Friends Can Share About You”.

Këtu do shikoni një listë me opsione të disponueshme për miqtë tuaj, mundesite qe ju jepen miqve mbi gjerat që ju vendosni ne profilin tuaj për ti ndarë me aplikacionet e ndryshme (pa dijeninë tuaj).

Sinqerisht nuk me pëlqen ideja e përdorimit të fotografive të mia nga të tjerët, apo të përdorimit të të dhënave të mia nga Farmville apo aplikacione të tjera!

Applications and Websites

Pastaj do shikoni një opsion të ri Instant Personalization!
Do shikoni që Facebook tashmë ka krijuar partneritet me faqe të tjera si docs.com, pandora.com dhe Yelp.

Ajo që Facebook sugjeron është që, të dhënat tuaja të jenë të disponueshme për këta “Partnerë” dhe, në momentin që ju të vizitoni ata, të jenë në dijeni se kush jeni dhe të kenë në dispozicion të gjitha të dhënat tuaja!

Personalizim i Profilit

Klikoni tek Instant Personalization

Ruani Privatesine

Hiqni selektimin që Facebook ka vendosur në Default, për të ndarë të dhënat tuaja me të tjerët!

Konfrimoni Selektimin

Konfirmoni selektimin e bërë më sipër

Rezultati perfundimtar

Shumica nga ju mund të thotë, “ska gjë, unë ju besoj si Pandoras si Yelp, janë serioze si faqe”! Problemi për mendimin tim nuk qëndron tek janë apo jo serioze këto Biznese, ka apo ska gjë për të fshehur dikush…

Problemi është që përdoruesit e Facebook nuk janë bërë anëtarë të tij nën këto kushte privatësie që ka tani… Problemi qëndron tek fakti që Facebook po i ndryshon letrat në tavolinë sipas qejfit të tij dhe sa herë që dëshiron, (ndryshimet në fjalë janë gjithmonë në interes të tij jo të konsumatorit, anetareve).

Një të nesërme do kuptoni që po shfrytëzoheni por do jetë tepër vonë, të dhënat e tua do jenë në pjatën e bizneseve më të mëdha botërore, do jenë ata që do vendosin çfarë është dhe çfarë nuk është e mirë për ju!

Përdoruesit duhet të fillojnë të edukohen rreth përdorimit të Internetit, duhet të tregoheni më të kujdesshëm, duhet të filloni të trajtoni privatësine me më shumë rëndësi!

Axhiornim:
Me sa duket për tu larguar komplet nga ndarja e informacionit tuaj me partnerët e Facebook si Pandora, Microsoft Docs dhe Yelp, duhet të vizitoni gjithashtu faqet në fjalë dhe të klikoni tek butoni Block Application! Nëse Facebook shton ndonjë partner tjetër do ju duhet ta bllokoni atë gjithashtu, ndaj vizitoni herë pas here këtë link për të parë partnerët e Facebook!

Blloko Pandora

Blloko Microsoft Docs

Blloko Yelp

Ps: Për ata që po mendojnë “Kujt do i interesonte informacioni im? Kujt i plasi!” Jam i sigurtë që ka patur plot njerëz në Gjermani në fillimet e 1930 që kanë menduar pak a shumë të njëjtën gjë, pra “Regjistrimi i fesë? Po mirë le ta bëjnë!”. Sigurisht këto regjistrime feje nga fundi i dhjetëvjeçarit kane dhënë kontributin e tyre mbi shfarosjen e një rrace njerëzore!

Nuk dua te tingëlloj dramatik por “Ata që nuk mbajnë mend të kaluarën, janë të dënuar ta përsëritin atë!“

Facebook ben ndryshimet e radhes, ruani privatesine! shkruar tek: eklipsi.com

Privatesia

Ikona e privatësisë

Një shembull i thjeshtë dhe konkret mund të shikohet tek bluzat tuaja, ikonat të cilat ju tregojnë si duhet të lahet ajo, jane pikërisht ideja që qëndron pas këtij propozimi rreth privatësisë.

Ikonat tek rrobat tuaja

Cfarë Propozohet:

Akoma nuk ekzistojnë ikona të tilla. Pasi të arrihet konsensusi do fillohet një sfidë krijimi të këtyre ikonave Design Challenge nga MozillaLabs. Pikat kryesore të debatit janë ato të shpjeguara mëposhtë.

• Të dhënat tuaja përdoren për qëllime dytësore? Ndahen ato me palë të treta?
• Të dhënat tuaja tregtohen?
• Nën cilat kushte të dhënat tuaja ndahen me qeverinë dhe forcat e rendit?
• Kompania e cila mbledh dhe ruan të dhënat tuaja i mbron ato gjatë të gjitha fazave, me masat e duhura?
• Shërbimi që po përdorni ju jep/lejon kontrollin e të dhënave të tua?
• Shërbimi që po përdorni i përdor të dhënat e tua për të ndërtuar dhe ruajtur një profil për përdorim jo-primar?
• Reklamat (Kompanitë reklamuese) përdoren? Nëse po nën cilat kushte?
• Për kompanitë të cilat ruajnë dhe trajtojnë të dhënat për një kohë të shkurtër, dhe me një tutelë më optimale etj, mund të propozohet një ikonë e veçantë “best practicies”.

Shpjegimi i propozimeve të bëra:

Të dhënat tuaja përdoren për qëllime dytësore? Ndahen ato me palë të treta?

Bashkimi Europian ka kryer një studim të imtësishëm për kodifikimin dhe rafinimin e shpjegimit të konceptit “qëllim dytësor”;

Përdorimi i të dhënave për diçka më tepër se qëllimi që personi, të cilit i ruhen të dhënat, mendon se ato janë ruajtur.

Mint.com përdor informacionet tuaja të loginit për të importuar të dhënat tuaja financiare nga bankat – pa lejen tuaj direkte. Ky është përdorimi primar dhe nuk duhet dënuar.

Testi i The RealAge ju propozohet si një pyetesor i lezetshëm dhe pastaj të dhënat tuaja shiten. Ky është një përdorim (qëllim) dytësor, dhe është një manipulim i përdoruesve.

Nëse ju regjistroheni për të përdorur një shërbim, ju duhet të interesoheni që të dhënat tuaja të përdoren vetëm për atë shërbim. Nëse shërbimi përdor të dhënat tuaja për qëllime dytësore, ata duhet ta bëjnë të ditur tek përdoruesit e tyre.

Nëse ata ndajnë të dhënat tuaja me palë të treta, ata duhet ta bëjnë të ditur edhe këtë gjë.

Të dhënat tuaja tregtohen?

Ju duhet të viheni në dijeni nëse dikush po fiton mbi kurrizin tuaj. Ju duhet të viheni në dijeni, si dhe për çfarë të dhënat tuaja po tregtohen.

Nën cilat kushte të dhënat tuaja ndahen me qeverinë dhe forcat e rendit?

I vendosin të dhënat tuaja në dispozicion të qeverisë apo forcave të rendit pa një mandat apo pa një subpoena?

Kompania e cila mbledh dhe ruan të dhënat tuaja i mbron ato gjatë të gjitha fazave me masat e duhura?

Të dhënat tuaja mund të mbrohen në mënyra të ndryshme: Nga përdorimi i SSL gjatë transaksioneve, tek kriptimi në server, tek fshirja e të dhënave të tua pasi ato nuk nevojiten me. Kompania në fjalë i ruan këto të dhëna? Kjo ikonë duhet të të vendosë në dijeni dobësine, nëse ka.

Shërbimi që po përdorni ju jep kontrollin e të dhënave të tua?

E keni mundësinë ti fshini të dhënat tuaja nëse dëshironi të bëni këtë zgjedhje? Mund ti editoni (ndryshoni) ato? Çfarë niveli kontrolli keni mbi të dhënat tuaja që ruhen në serverat e tyre.

Shërbimi që po përdorni përdor të dhënat e tua për të ndërtuar dhe ruajtur një profil për përdorim jo-primar?

Kjo është një pikë disi e komplikuar pasi tentohet të përfshihet koncepti i PII (Personally identificable information). Ajo që shqetëson është se, kompani të ndryshme mund të jenë duke ndërtuar një Dosier sekret mbi ju pa dijeninë tuaj – Psh: marrja e emailit tuaj, blerja e më shumë informacioneve nga palë të treta rreth emailit në fjalë, për të patur informacion psh rreth përdorimit të Kartës së kreditit (Ku, Sa here, etj) zakoneve të lundrimit… Pastaj përdorim i profilit tuaj për qëllime të cilat nuk bënin pjesë në marrëveshjen fillestare të përdorimit të shërbimit të tyre.

Reklamat (Kompanitë reklamuese) përdoren? Nëse po nën cilat kushte?

Në internet shumica e faqeve përdorin reklamat në faqet e tyre në forma të ndryshme, dhe regjistrimi i “zakoneve të lundrimit të përdoruesve” po rritet dita ditës. Yahoo, psh, mund të regjistrojë lëvizjet tuaja në 12% të internetit (nga korrespondencat personale). Ndërkohë që të rritesh tutelën e përdoruesve ndaj kompanive reklamuese mund të jetë diçka e rëndësishme, alarmimi në çdo faqe që përdor reklamat do ishte diçka dëmtuese në fakt. Akoma nuk është arritur një zgjidhje e për këtë situatë, megjithatë në proçes është studimi i një zgjidhjeje që të jetë e pranueshme për të gjithë.

Përfundimisht:

Hapat e tjerë janë socializimi me këtë listë të re të koncepteve të privatësisë dhe pasi të arrihet një marrëveshje, do jetë e mundur të fillohet me proçesin e designit.

source: ftc
foto nga: Alan Cleaver

Ikona e privatesise shkruar tek: eklipsi.com

Norton Antivirus 2009

Norton antivirus 2009 është një nga antiviruset më të mirë momentalisht në treg, gjithashtu është një nga antiviruset më të fuqishëm.

Kjo që do ju sjell sot është një ofertë 9 mujore. Mjafton të shkarkoni versionin OEM të Norton Antivirus 2009 për 6 dhe 3 muaj, në këtë mënyrë do merrni një total prej 9 muajsh të këtij antivirusi falas. (Versionet OEM nuk kërkojnë për nr liçense për tu aktivizuar)

Ajo që duhet të bëni është “Të shkarkoni dhe të instaloni versionet mëposhtë!”

Shkarkoni versionin OEM 180 ditor të Norton Antivirus 2009
Shkarkoni versionin OEM 90 ditor të Norton Antivirus 2009

Ps: Që të përfitoni periudhën 9 mujore, duhet të ç’instaloni dhe të instaloni versionin tjetër të OEM, dmth para se të skadojë versioni 180 ditor ju duhet ta hiqni dhe të instaloni atë 90 ditor!

Norton Antivirus

Norton antivirus 2009, falas per nje periudhe 9 mujore! shkruar tek: eklipsi.com

Flash Cookies

Ndryshe nga “cookies” tradicionale të browserave, cookie-t e Flash janë pak a shumë të panjohura nga përdoruesit e web-it dhe nuk janë të kontrollueshme nga opsionet e browserave.

Si pasojë, nëse një person mendon që ka fshirë të gjitha gjurmët e lundrimit të tij në internet, ka shumë mundësi që kjo gjë të mos jetë e vërtetë.

Çfarë është akoma me meskine?

Një artikull nga Wired mbështet faktin që shumë shërbime përdorin memorizimin okult të të dhënave për të riaktivizuar cookie-t tradicionale që një përdorues ka fshirë, kjo teknikë quhet “re-spawing”, si homazh ndaj lojrave ku “zombie-t” rikthehen në jetë edhe pasi janë vrarë. Ndaj edhe nëse një përdorues fshin “cookie-t” që i përkasin një adrese. ID-ja e veçantë, unike, e asaj “cookie” do i caktohet një cookie të ri duke përdorur të dhënat tuaja të “Flash” si “backup”.

Si ti fshijme cookies e Flash?

Personalisht une i fshij në këtë mënyrë!
Adobe të ofron këtë mundësi, mjafton të vizitosh këtë faqe të:
Adobe Flash Player
dhe të klikoni tek opsioni Eliminate All

Elimino Flash cookies

Ishit në dijeni të këtyre cookies? Ishte i nevojshëm ky artikull për ju? Lini mendimet tuaja më poshtë.

Si te fshijme, Cookies te krijuar nga Flash! shkruar tek: eklipsi.com

Mbroni llogarinë e Twitterit

Gjatë 2009, kemi parë shpeshherë “balenën” e Twitter dhe sulme të herë pas hershme na kanë detyruar të qëndrojmë jashtë llogarisë tonë. Në parashikimet e 2010 McAfee ka raportuar që rrjete sociale si Twitter dhe aplikacionet nga palë të treta do jenë viktimat më të preferuar të sulmuesve!

Disa nga aplikacionet e palëve të treta si, Bit.ly dhe TinyUrl ju ofrojnë përdoruesve një mënyrë për të shkurtuar URLtë e tyre, në këtë mënyrë cicërimat e tyre nuk e kalojnë gjatësinë e 140 karaktereve.
McAfee ka raportuar se URLtë e shkurtuara mund të ndihmojnë njerëzit dhe shërbimet që tentojnë të bëjnë një sulm ndaj Twitterit. Përdoruesit e këtyre shkurtuesve tanimë janë familjarizuar me këto linke dhe nuk tregojnë kujdesin e duhur si më parë.

Më poshtë keni të shpjeguar disa mënyra se si të mbroni llogarinë tuaj të Twitterit nga çdo kërcënim të sigurisë së tij.

Kujdesi ndaj Fjalëkalimit

1. Mos tregoni asnjëherë, asnjërit, fjalëkalimin tuaj.
Fjalëkalimi i jep të tjerëve hyrje të plotë tek informacionet tuaja private. Këshilloj të mos i jepni asnjëherë fjalëkalimin tuaj edhe nëse ndonjë ju kontakton duke pretenduar se është përfaqësues zyrtar i Twitterit! Vetëm ju duhet të dini fjalëkalimin tuaj.
2. Ndryshoni fjalëkalimin në mënyrë të rregullt.
Njerëzit zakonisht fiksohen me një fjalëkalim për muaj apo vite me radhë. Një gjë e mirë do ishte të mësoheshit me ndryshimin e fjalëkalimit tuaj çdo 2-3 muaj. Shënojeni datën në ndonjë kalendar që të mos harroni ta ndërroni.
3. Krijoni një fjalëkalim të fortë.
Fjalëkalimet zakonisht krijohen duke menduar diçka personale apo ndonjë kujtim personal. Prandaj ju duhet të krijoni një fjalëkalim të vështirë që nëse ndonjë tenton ta gjejë atë, ta ketë të vështirë. Më parë ju kemi sugjeruar një mënyrë origjinale për të krijuar fjalëkalim të fortë.

Krijoni një BackUp për cicërimat tuaja

Ekzistojnë shërbime të ndryshme të cilat ju ofrojnë një mënyrë për ti ruajtur ato. Kjo mund të ndihmojë, nëse ndodh që ju bini viktimë e ndonjë sulmi, atëherë do keni një mënyrë për të rivendosur cicërimat në llogarinë tuaj. Më poshtë keni tre shërbime që mund të përdorni.

TweetBackup
BackupMyTweets
Backupify

Kontrolloni herë pas here me çfarë shërbimesh është e lidhur llogaria juaj e Twitter

Parashikimi i McAfee për 2010 është që aplikacionet e palëve të treta do jenë një nga arsyet kryesore për sulmet ndaj sigurisë tuaj. Ndaj herë pas here shikoni çfarë aplikacionesh janë të lidhura me llogarinë tuaj. Nëse ndonjërin prej tyre keni kohë që nuk e përdorni, mos e lejoni më të lidhet. Nëse më vonë do ju duhet sërish të përdorni atëherë mund të rilidheni sërish. Logohuni në Twitter, shkoni tek Settings, pastaj tek Connections, dhe klikoni Revoke Access.

Lidhjet Me Aplikacionet e Treta

Bllokoni dhe Raportoni Spamuesit

Llogaritë e spamuesve në Twitter zakonisht kanë cicërima që përsëriten dhe thonë të njëjtën gjë, duke tentuar te ju shesin ndonjë produkt apo shërbim. Nëse kontaktoheni nga ndonjë spmaues, ju mund ti bllokoni dhe raportoni tek Twitter. Në pjesën e djathtë (sidebar) keni një zonë të quajtur “Actions”. Do shikoni gjithashtu nje link “Report to Spam”. Në këtë mënyrë mund të lajmeroni tek Twitter llogarinë e spamuesit, në këtë mënyrë ata do hetojnë nëse lajmërimi juaj është i saktë apo jo. (Mos abuzoni me këtë opsion pasi mund të jeni ju që ndëshkoheni nëse nuk tregoheni të saktë)

Raporto

Shikoni URLnë e shkurtuar para se të klikoni

Shërbime të shumta ju lejojnë të shikoni para se të klikoni mbi një link, për të parë se ku ju dërgon.

Një listë me adresa interneti që jua ofrojnë këtë gjë.

1.ExpandMyURL
2. Expandurl
3. LongURL
4. Long URL Please
5. PrevURL

Ekzistojnë edhe 2 add-one të Firefox të cilët ju lejojnë të shikoni adresën e plotë pa e klikuar atë.

LongURL Mobile Expander
Long URL Please

Nëse përdorni shërbimin Tweetdeck, ai ka opsionin i cili ju lejon të shikoni Url para se ta klikoni.

Cilat janë mënyrat tuaja të mbrojtjes?

Mbroni llogarine tuaj te Twitter shkruar tek: eklipsi.com

Facebook

Mekanizmi pas këtij sulmi, i cili filloi të shpërndahej tek përdoruesit e Facebook me një link i cili të adresonte tek një adresë pornografike, kishte mundësi të krijonte më shumë dëme se sa thjesht nje situatë të pakëndshme të momentit (për ata të cilët janë viktima të këtij sulmi).

Në momentin që përdoruesit klikonin në një link të postuar në murin e miqve të tyre, browseri Firefox manipulohej në mënyrë që të axhiornonte edhe statusin e viktimave në profilin e tyre me të njëjtin link.

Përgjigjia e Facebook ka qënë e menjëhershme duke bllokuar adresën e URL e cila të dërgonte tek një adresë interneti pornografike, gjithashtu duke e hequr nga statusi i personave të rënë viktima të këtij sulmi.

Nga ana e Facebook është deklaruar se vetëm një përqindje e vogël ka rënë pre e sulmit.

“Si gjithmone, ne këshillojme njerëzit të mos klikojnë në linke të dyshimta edhe nëse ju është dërguar apo është postuar nga miqtë e tyre.”

Roger Thompson, shefi i sigurisë tek AVG, gjithashtu në blogun e tij ka thënë:

Mashtrimi tipik ishte në përdorimin e një fotografie provokuese të një vajze të veshur me tanga. Nëse klikonin mbi fotografinë, ata drejtoheshin tek një adresë, ku nëse sërish klikonin në një buton që shkruante “click this button”, atëherë krimbi i Facebook kishte kryer funksionin e tij.

Ky sulm me sa duket nuk ka funksionuar me Internet Explorer por vetem me Firefox.

Një situatë e pakëndshme me sa duket ishte e gjitha ajo që ky sulm ka krijuar për ata që kanë rënë pre, megjithatë ai ishte i aftë të krijonte situata më të rënda si, duke treguar tek të gjithe miqtë tuaj që ju kishit vizituar atë adresë, mund të krijonte probleme me gruan tuaj, me familjarët e tu, kolegët e punës apo me punëdhënësin tuaj.

Një mekanizëm i tillë mund të përdorej edhe për të vjedhur passworde të ruajtura tek cache i browserit tuaj, apo të injektonte worm në kompjuter.

(via… thompson.blog.avg.com)

Krimbi i pornos ne facebook, godet Firefox shkruar tek: eklipsi.com

KIS 2010

Fillimisht duhet të vizitoni faqen e ofertës, të vendosni adresën tuaj të email-it aty ku thotë

E-postadress

dhe më poshtë emrin tuaj aty ku thote

Namn

Pastaj duhet të plotësoni captcha-n apo kodin kundra spamit.

Duke qënë se bëhet fjalë për një ofertë nga një faqe Nordike atëhere kjo faqe mund tju vijë në ndihmë për të gjetur shkronjat që duhen vendosur.

Dhe hapi i fundit të klikoni butonin

Skicka

Tani një faqe e re do ju hapet ku tregohet një mesazh si në imazhin më poshtë.

Kaspersky Internet Security 2010

Nëse do shikoni me kujdes aty thote që produkt key është i vlefshëm për Kaspersky Internet Security 2009, por e bukura është se funksionon edhe me 2010 , pa ju kërkuar asnjë gjë tjetër.

Kaspersky Internet Security 2010, Falas per 6 muaj shkruar tek: eklipsi.com