Në videon mëposhtë do vini re se si funksionon, dhe do mësoni edhe si ta përdorni, mundësia e re ofruar nga Google, Google’s Real-Time Insight Finder, vegël e cila ju ndihmon nëse dëshironi të keni informacione më të detajuara mbi terma të caktuar në kohë reale.

Një lodër e tillë mund të jetë një ndihmë goxha e madhe pasi përbën një dritare mbi zakonet, perceptimet dhe nevojat e konkurentëve mbi terma të caktuar apo mbi trendet online.

Google Real-Time Insight Finder shkruar tek: eklipsi.com

Nëse hapni një biznes është e natyrshme që të tregoheni të kujdesshëm mbi konkurencën tuaj! Të shikoni se çfarë po bëjnë ata dhe të merrni hapat e duhur për të mos lejuar që ata të marrin copëza nga pjesa e tregut tuaj! E njëjta situatë është edhe me faqet dhe bizneset online, i njëjti princip zbatohet edhe këtu. Ju duhet, që në mënyrë të vazhdueshme të shikoni çfarë po bëjnë konkurentët tuaj, nëse kanë bërë ndonjë ndryshim apo ndonjë ofertë të re. Për më tepër ju mund të jeni të interesuar dhe se çfarë teknologjie po perdorin dhe në të njëjtën mënyrë ta shtoni edhe ju tek faqja juaj.

Në Google Chrome, kjo bëhet e mundur me anë të shtesave (extensions) të shumta të cilat ju mund ti përdorni për të qënë i axhiornuar mbi konkurencën.

1. Web developer toolbar

WebDeveloperTool

Kjo është më shumë e nevojshme për “Zhvilluesit e WebFaqeve”. Më parë kjo mundësi ishte e disponueshme vetëm për FireFox, por tani është shtuar dhe në radhët e Google Chrome. Nëse ju tërheq designi i ndonjërit prej konkurentëve të tu, dhe ju doni të jeni në dijeni se si ai e ka ndërtuar atë, atëherë ju vjen në ndihmë ky extension i cili ju lejon të analizoni elementët html të faqes në fjalë. Ka aftësi të listojë gjithçka si CSS, stack levels, gjithashtu edhe javascript dhe meta tags.

Pra nëse po pyesni veten pse konkurenti juaj po renditet në pozicionet e larta të motorëve të kërkimit, mund ti hidhni një sy strukturës së designit dhe të shikoni se çfarë po bëjnë ata në mënyrë që të përshtateni, apo të përmirësoheni edhe ju.

2. Chrome SEO

ChromeSeo

ChromeSEO ju lejon të gjeni të dhënat SEO të faqes që ju intereson. Ju tregon një listë me rezultate, duke përfshirë numrin e faqeve të indeksuara, renditjen në Google PR, renditjen në Alexa, statistikat sipas QuantCast, numrin e backlink, numrin e bookmarks etj etj.

3. Ka: The Keyword Analyzer

Keword Analyzer

Nëse jeni të interesuar të renditeni në vëndet e para të motorëve të kërkimit, ndoshta do ju interesonte të shikoni vendin e parë dhe të shikoni se cilën fjalë kyçe (KeyWord) po përdorin për të zënë atë pozicion. në çdo faqe ju mund të përdorni këtë extension për të analizuar përdorimin e fjalëve kyçe në faqe të veçanta. Ju duhet të regjistroni një API key para se ta përdorni këtë extension. Ju lejon të skanoni deri në 30.000 faqe në ditë, kjo do jetë mëse e mjaftueshme për përdorimin ditor.

4. RSS Subscription

eklipsi RSS

Mënyra më e mirë për të qënë në kontakt me të rejat e konkurentit tuaj është të regjistroheni në feed RSS të tij, në këtë mënyrë shikoni vazhdimisht se çfarë po shkruajnë çdo ditë. Google Chrome momentalisht nuk e ka të implementuar këtë opsion, ndaj ky extension do luajë rolin e opsionit në fjalë derisa versionet e reja ta kenë në default.

5. SEO SERP

Seo SERP

SEO SERP është një ndihmë e madhe që ju ofrohet për të monitoruar faqet konkurente, dhe të shikoni rezultatet dhe performancën në motorët e kërkimit. ju jep mundësinë të listoni një fjalë kyçe të veçantë dhe të shikoni renditjen e një faqeje specifike. Mund të listoni disa Fjale Kyçe apo disa Faqe Web.

Qendro ne hapat e konkurences me Google Chrome shkruar tek: eklipsi.com

Google

Nëse keni një adresë interneti, nëse jeni në kërkim të vizitorëve, nëse dëshironi të renditeni mirë në Google, atëhere duhet të mësoni si të përdorni Google Webamster Tools.

Këtë javë Google ka lëshuar dy opsione të reja nga “Lab” i tyre, “Fetch as Googlebot” dhe Malware details” (shiko atë çfarë shikon googlebot në faqen tuaj) dhe (kontrollo faqen tënde për Malware).

a – Në foton e mëposhtme kemi vendosur kontrollin që kemi bërë me “Fetch as Googlebot”.

Klikoni tek linku “Success”, për të parë rezultatet.

b – Nëse faqja juaj është “hackuar”, apo diçka i është injektuar dhe po shpërndan Malware atëherë Google do jua thotë.

Nëse nuk keni probleme me malware, atëherë nuk keni pse merakoseni.

Pamja pas kontrollit do jetë e tillë…

Detajet Malware per eklipsi.com

Një problem i tillë ndoshta do bëjë që faqja juaj të mos jetë më pjesë e kërkimeve të Google dhe gjithashtu do rrezikoni që faqja tuaj të futet tek McAfee website blacklist.

Mendoj se kjo do jetë një ndihmë e nevojshme për webmasterat, sigurisht do kursejë shumë kohë të çmuar dhe do vërë në dijeni webmasterat për sigurinë e faqes së tyre… gjithashtu edhe opsioni fetch do ju japë informacione te nevojshme se si googlebot e shikon faqen tuaj, secili mund te bëjë rregullime dhe optimizim të mëtejshem…

info më të zgjeruara tek: Google Webmaster Central Blog

Google webmaster tools me dy opsione te reja shkruar tek: eklipsi.com

Html vs Xml

Një hartë HTML, është një mënyrë e konsoliduar dhe e vjetër nga ku përdoruesit janë të aftë të gjejnë gjithçka (pak a shumë) të faqes tuaj me anë të një faqeje të vetme.

Në raste të ndryshme, për faqe të mëdha, faqes do i duheshin disa faqe HTML për të bërë të mundur këtë shpalosje të faqes së tyre, por për faqe të vogla (kjo është sitemap i eklipsit), ka kuptim vendosja në një faqe të vetme.

Një hartë XML, mund të jenë gjithashtu disa file, por nuk janë të shikueshme për vizitorët e thjeshtë, por janë vetëm për motorët e kërkimit, spiders.

Kur pyetja ju drejtua Matt Cutts të Google, nëse do bënit një zgjedhje, cilën nga të dyja do preferonte, ai zgjodhi hartën në HTML pasi kjo do ishte e përdorshme si nga vizitoret e faqes si nga spiders, të dyja palët do e përdornin.

Nuk është e sigurtë nëse të gjithë ekspertët e SEO do bënin të njëjtën zgjedhje, por pyetjes nuk ju përgijgj një SEO, por Matt.

Siç konfrimon edhe vetë Matt, në momentin që ju ndërtoni hartën HTML, të bësh një version XML të saj është shumë e thjeshtë.

Ndaj këshilla që mund të ju japim ne është ti ndërtoni të dyja, mundësisht.

Harte Html apo Xml? Google preferon harten Html… shkruar tek: eklipsi.com