Për të gjithë adhuruesit e Ubuntu-s kemi mbledhur disa sfonde interesante! Pamja në default e Ubuntu pas pak kohe kthehet në monotone! Nëse ju pëlqen ndonjë Wallpaper nga lista e postuar, mund ta shkarkoni dhe ta përdorni. Kam zgjedhur ato që më pëlqyen më shumë…

Liste me Wallpapers per Ubuntu! shkruar tek: eklipsi.com

photo credit: cloudsoup

Problemi me fillimin e përdorimit të Linux nga të gjithë ata që afrohen tek ky sistem është ideja që kanë për të, mendimi që mbizotëron është që “Linux është një sistem i përshtatshëm vetëm për ekspertë të informatikës”, gjë që nuk është aspak e vërtetë.

Sado eksperiencë të kesh me Linux, ekziston gjithmonë diçka e re të cilën mund ta mësosh nga ndonjë libër i mirë.

Më poshtë keni një listë me e-book falas, të cilët mund të ju vijnë në ndihmë për të kuptuar akoma më mirë se si funksionon ky sistem operativ.

1. Linux Knowledge Base and Tutorial – në format PDF
2. Linux Newbie Administrator Guide – në format HTML
3. Rute User’s Tutorial and Exposition – në format HTML
4. The Linux Starter Pack – në format PDF
5. FLOSS Manuals – në format HTML & PDF
6. The Easiest Linux Guide You’ll Ever Read – në format PDF
7. Slackware Linux Basics – në format HTML
8. Introduction to Linux – A Hands on Guide – në format HTML
9. Bash Guide for Beginners – në format HTML

Liste me E-book falas per te mesuar Linux shkruar tek: eklipsi.com

photo credit: jorel314

Tani në linux është e mundur të përdorim versionin më të përparuar dhe më të shpejt të usb atë 3.0 (SuperSpeed USB).

Sarah Sharp, zhvilluese e Intel Open Source Technology Center, tregon në blog-un e saj se si të aktivizojmë USB 3.0 (SuperSpeed USB) në Linux.

Driver-in xHCI “eXtensible Host Controller Interface” që Sarah Sharp ka përdorur në kernel-in e saj është zhvilluar nga Intel me 18 muaj. Ky driver është tërësisht publik dhe së shpejti do të integrohet në kernel-in zyrtar te Linux-it. Kështu Linux-i bëhet i pari i sistem operativ që përdor USB 3.0

Ky lajm për përdoruesit e zakonshëm nuk do të ndryshojë gjë, për shkak të mungesës së pajisjeve që përdorin USB 3, keto pajise do te dalin ne treg ne fillim te 2010. Por ky është lajm i mirë për prodhuesit e hardware, të cilët kanë një mundësi për të testuar pajisjet e tyre nën Linux.

Tani për tani testet e USB 3.0 kanë arritur vetëm 3.5 herë shpejtësinë e USB 2.0. Por Intel mendon se me përparimin e zhvillimeve do të arrijë 4,8 Gb/s (të barabartë me 10 herë më shumë se Versioni 2). Për informacione të tjera mbi këtë standard dhe specifikat e ti mund te lexoni këtë post: USB nga origjina deri te USB 3.0 (te gjitha karakteristikat dhe specifikat teknike)

Linux i gatshem per usb 3.0 shkruar tek: eklipsi.com

Google chromium, Ubuntu

Në artikullin e mëparshëm ju njoftuam për versionin e ri për Ubuntu të Google Chrome të quajtur Chromium, tani do ju tregojmë se si ta instaloni atë në mënyrë të thjeshtë dhe të shpejtë.

Duke qene se është akoma në një fazë alpha, është akoma e vështirë të instalosh chromium për ta testuar, ndaj duke thjeshtuar procesin e instalimit do sjellë edhe feedback apo raportime të buge-ve nga ana e përdoruesve.

Përdoruesit e Ubuntu mund ta instalojnë në mënyrë të thjeshtë duke vendosur në “repositories” linket e source-ve të vëna në dispozicion nga skuadra e cila merret me zhvillimin e Google Chrome.

1. Për të shtuar sourcet duhet të lundroni tek

System / Administration / Software Sources

dhe aty duhet të shtoni linket e mëposhtme “te ndara sipas versioneve të Ubuntu”:

Nëse keni Ubuntu 9.04:
deb http://ppa.launchpad.net/chromium-daily/ppa/ubuntu jaunty main
deb-src http://ppa.launchpad.net/chromium-daily/ppa/ubuntu jaunty main

Nëse keni Ubuntu 8.10:
deb http://ppa.launchpad.net/chromium-daily/ppa/ubuntu intrepid main
deb-src http://ppa.launchpad.net/chromium-daily/ppa/ubuntu intrepid main

Nëse keni Ubuntu 8.04:
deb http://ppa.launchpad.net/chromium-daily/ppa/ubuntu hardy main
deb-src http://ppa.launchpad.net/chromium-daily/ppa/ubuntu hardy main

2. Hapi i dyte është të përdorni Terminalin tuaj dhe të vendosni këtë komandë:

sudo apt-get install chromium-browser

3. Pasi paketa të ketë përfunduar së instaluari, mjafton të shkruani në terminal:

chromium-browser

“të jepni enter” që të startojë.

Instalo Google Chromium, Ubuntu shkruar tek: eklipsi.com

Skuadra e cila po zhvillonte versionin Open-Source të browser-it të Google për Linux ka lëshuar versionin Alpha të browser-it më të ri në Web. Versioni i Google Chrome ka qënë në fazë Pre-Alpha që prej disa kohësh, dhe gjithashtu ka qënë konsideruar si shumë i stabilizuar, por lëshimi e versionit Alpha shënon një hap të madh drejt zhvillimit për Google Chrome.

Versioni i ri i Browser-it të Google, është pasuruar më shumë karakterisktika që ka dhe “Kundershtari” i versionit per Windows.Megjithatë disa nga “Opsionet” janë akoma në zhvillim e sipër,si përshëmbull, plugin–ët, printimi dhe Google gears. Për fat të keq për momentin këto detaje duhen patur parasysh para se të instalojmë Google Chrome.

Për të gjithë ata përdorues që janë të interesuar për instalimin e Google Chrome në sistemin e tyre Linux, mund të hedhin një sy tek faqja zyrtare e Ubuntu Chromium Daily Builds.

Do ishin interesante mendimet tuaja për këtë Browser, për të mirat dhe mangësitë e tij. Gjithsesi do ju mbajmë të informuar për zhvillimet e tij dhe në lëshimet e versioneve të ardhshme.

Versioni Alpha i Browser-it Google Chrome për Linux shkruar tek: eklipsi.com

Që sot është i disponueshëm versioni i ri i ubuntu 9.04 Jaunty Jackalope. Ubuntu, një nga versionet më të përdorur të linux-it, është i bazuar mbi debian dhe del në tre versione zyrtare ubuntu me window manager gnome, kubuntu me kde dhe xubuntu me xfce, përveç këtyre versioneve ekzistojnë dhe versione të tjera me ambiente grafike të ndryshëm. Ubuntu lëshohet cdo gjashtë muaj nga shoqëria pa përfitime canonical e cila financon projektin, ndër të rejat e fundit në këtë version shikojmë:

• Kernel 2.6.28
• X.Org server 1.6
• Grub2
• Gnome 2.26
• file system Ext4
• LSB 4.0
• përdorimin e Plymouth për boot
• OpenOffice.org 3
• Firefox 3.1
• një temë grafike të re
• regullimin e shumë bug-eve

Përveç këtyre edhe të gjitha programet që bëjnë pjesë në këtë paketë jane në versionet e fundit. Bashke me versionin per PC (dy versione si per 32 dhe 64bit) del dhe versioni per server dhe ai per netbook.

Mund ta shkarkoni Ubuntu 9.04 nga ketu.

Ubuntu 9.04 (Jaunty Jackalope) i disponueshem shkruar tek: eklipsi.com

Ekzistojnë shumë mënyra për te instaluar Linux, megjithatë nëse jeni nga ata të fiksuarit që dëshirojnë të lexojnë çdo gjë rreth një subjekti të caktuar (në rastin tonë rreth Linux, Ubuntu), kam gjetur një guidë interesante në internet dhe nëse ju intereson mund ta shkarkoni.

Ky është një libër me Open Access (shkarkim i lire) i quajtur “Linux Starter Pack” prodhuar nga Linux Format (një reviste e orientuar vetëm mbi Linux).

“Starter Pack” është një file Pdf (11mb), i cili përbëhet nga 130 faqe, ku shpjegohet se si mund të instaloni dhe të përdorni një shpërndarje të Linux si Ubuntu.

Unë personalisht e bëj në këtë mënyrë:

Shkarkoj filen ISO
Verifikoj MD5
Hudh ISO në CD
Instaloj Ubuntu
Vendos orën lokale sipas zonës
Krijoj User dhe Password.
Shkarkoj axhiornimet.

Ndërsa nëse dëshironi të lexoni shkarkoni këtë guidën këtu.

Shkarko guide per instalim te Linux, Ubuntu shkruar tek: eklipsi.com

Ubuntu ka një opsion për të shtuar ikonën e Koshit në desktop, e cila mund të jetë e nevojshme për ata që migrojnë nga Windows.,

Mjafton të shkruani gconf-editor në dritaren që hapet kur klikoni Alt+F2 (të dy butonat bashke) kombinim që hap Editorin e konfigurimit Gnome.

Tani duhet të lëvizni në kartelat për të gjetur opsionin që duhet të selektojmë:

apps \ nautilus \ desktop

Në anën e djathtë, do shikoni një opsion që thotë trash_icon_visible. Mjafton të selektoni kutinë. mund edhe ti ndryshoni emrin nëse dëshironi.

Dhe ja ku u shfaq edhe ikona në ekran

Vendosni ikonen e koshit ne desktop. Ubuntu shkruar tek: eklipsi.com

Keni fotografi të cilat i keni bërë me aparatin tuaj dhe dëshironi ti postoni në web. Mund të keni dëshirë gjithashtu që të tjerët të mos i marrin fotot e tua dhe ti përdorin në faqet e tyre, atëherë dëshironi të vendosni firmën (watermark) tuaj në këto imazhe.Në këtë tutorial do ju tregoj se si të vendosni firmën (watermark) në një imazh duke përdorur GIMP, një program open source për të edituar imazhe.

Screens në këtë tutorial ju tregojnë GIMP në përdorim në Linux Ubuntu, sidoqoftë hapat janë të njëjtë edhe nëse po përdorni GIMP në Windows. Përdoruesit e Windowsit mund të shkarkojnë versionin e windowsit falas këtu.

Këtu keni imazhet, origjinalin dhe modifikimin:

Origjinali

Modifikimi

1. Si fillim, hapni imazhin në GIMP.

2. Tani klikoni në opsionin për të shtuar tekst, është butoni me shkronjën A.

3. Klikoni mbi shigjetën afër katroreve të ngjyrave për të bërë të bardhë ngjyrën e tekstit.gjithashtu mund të ju nevojitet të rrisni madhësinë e Fontit (unë zgjodha 100px) pasi foto është shumë e madhe.

4. Tani klikoni brenda imazhit, diku afër ku dëshironi të shkruani tekstin tuaj, pastaj do ju shfaqet GIMP Text Editor, aty shkruani çfarë të dëshironi që të shfaqet si firmë (watermark).

5. Klikoni Close.

6. Unë nuk isha i kënaqur me vendin ku shkrimi pozicionohej në imazh, ndaj klikova mbi Move Tool. Move tool është butoni që duket si një shenjë plusi (+). Përdorni mousin për të lëvizur tekstin në pozicionin që dëshironi. Ju duhet të klikoni mbi tekstin dy herë dhe jo mbi backgroundin pas tekstit, pastaj mund ta lëvizni.

7. Tani hapni dritaren e Layers. Klikoni:

Windows -> Dockable Dialogues -> Layers.

Do vini re që imazhi juaj ka dy layers. Layeri i sipërm përmban tekstin që sapo vendosët.

8. Sigurohuni që të jetë selektuar Layeri i tekstit, pastaj lëvizni opsionin e Opacity në të majtë , gjer sa të arrini transparencën e dëshiruar për tekstin tuaj.

9. Klikoni File -> Save As.

Vendosini imazhit të sapo edituar një emër të ndryshëm nga origjinali, dhe klikoni Save.

10. Gimp do ju kërkojë të eksportoni imazhin tuaj para se ta ruani si një JPEG. Klikoni Export.

11. Tani mund të zgjidhni kualitetin e imazhit. Unë preferoj ti jap maksimumin, dhe klikoj Save.

12. Tani keni një imazh me firmën tuaj të cilin mund ta postoni në web.

Vendosni firmen tuaj ne imazhe. Ubuntu shkruar tek: eklipsi.com

Nëse vendosni të instaloni Linux në kompjuterin tuaj, por ama nuk doni që të humbisni window-sin. kjo gjë është e mundur duke përdorur Grub loader i cili instalohet automatikisht gjatë instalimit të Linux, instalim i cili është shumë i thjeshtë mjafton vetëm të ndiqni udhëzimet e diskut përkates të Linux, problemi ama qëndron te Grub loader-i, i cili rrjeshton sistemet operative të instaluara në kompjuter kur ai ndizet ose ristartohet, koha e pritjes për zgjedhjen tuaj është vetëm 10 sekonda, dhe sistemi automatik që zgjidhet është Linux.

Ky është një problem për shumë përdorues…! Zgjidhja është shumë e thjeshte. mjafton të instaloni në kompjuterin tuaj           Startup-Menager të cilin mund ta Shkarkoni në estensionin .deb i cili instalohet vetëm duke i klikuar sipër dhe më pas duke klikuar “instalo paketat”, ose mund të hapni një terminal dhe të jepni komandën

sudo apt-get install startupmanager

dhe Startup-manager do të instalohet automatikisht. Pas kësaj duhet të shkoni tek Sistemi > Administrimi > StartUp-Manager

dhe më pas hapet kjo dritare

nga këtu mund të ndryshoni opsionet e Grub loader-it tuaj, duke zgjatur kohen e pritjes ose duke vendosur windows-in si sistemin operativ primar.

Vendosni ju cili sistem operativ te ndizet i pari…! shkruar tek: eklipsi.com