Të gjithë ata që përdorin laptopë apo netbooks, e dinë që janë shumë të lëvizshëm dhe gjithmonë në fund përfundojnë në pozicione të çuditshme, dhe pastaj ecin me dhimbje në pjesë të ndryshme të trupit.

Ne të gjithë e dimë se mënyra më e mirë për të përdorur laptopin tonë është: “ulur në një tavolinë, me shpinën drejt dhe të mbështetur, në një poltronë ose në një karrige”

Këtu në këtë foto mund te shikoni se cilat pjese te trupit janë të prekura më shumë nga pozicionet e dobëta që marrim, kur përdorim laptopin tonë.

Pozicione Laptopi

burimi: Core77

Pozicionet me te parehatshme te perdorimit te laptopit shkruar tek: eklipsi.com

Google Wallet është një aplikacion Android i cili transformon celularin në një portofol. Ruan në mënyrë virtuale versione të kartave të kreditit plastike në telefonin tuaj.

Mjafton thjesht të shtypni ekranin e celularit për të paguar, gjithashtu mund të kërkoni për oferta duke përdorur NFC.

Google Wallet

Mund ti hidhni nje sy ketu

Google Wallet – Portofoli ne celularin tuaj shkruar tek: eklipsi.com

Blerja e Viagra-s, barnave mjekësore apo kopjeve të orave të ndryshme të famshme në internet ka evoluar, disa ekspertë të shkencave kompjuterike me anë të një studimi shpjegojnë në detaje se si spami modern funksionon.

Plani i biznesit të spamit modern është i përbërë nga tre elementë: Reklamimi, Suport klikimesh (thënë ndryshe: dërgimi i klientëve në faqe ku mund të bëhen këto blerje), dhe përfundimi i operacionit (thënë ndryshe: marrja e pagesës dhe dorëzimi i produktit tek konsumatori).

Firma të ndryshme rreth e rrotull globit kryejnë të gjithë këtë operacion me disa faza. Emrat e adresave të internetit (domainet) regjistrohen në Rusi, pagesat e kartave të kreditit menaxhohen nga banka në Azerbajxhan, dhe produkti përfundimtar (ilaçet) dërgohen nga ndërmarrje në Indi.

Infrastruktura e biznesit të Spamit sipas këtij studimi me sa duket rrotullohet rreth një numri të vogël programesh afiliate të cilat koordinojnë aktivitetet ndërmjet firmave në fjalë.

Për më shumë lexoni përmbledhjen e New York Times. dhe
Technology Review.

Ndërsa këtu keni linkun tek file/studimi origjinal në formatin PDF

[PDF] End-to-End Analysis of the Spam Value Chain

Si funksionon Spami modern shkruar tek: eklipsi.com

Projektrregullorja “Rregullore për rregjistrimin dhe mbajtjen e të dhënave të krijuara ose të përpunuara nga ofrimi i shërbimeve dhe/ose rrjeteve të komunikimeve elektronike” vënë për konsultim publik para se të miratohet nga AKEP.

Para disa kohësh Google doli në çdo faqe të parë të lajmeve për faktin që hackers Kinezë penetruan disa nga shërbimet e saj si, Gmail, në një tentativë politike të Kinës për të mbledhur informacione mbi disidentët! Lajmi sidoqoftë nuk është ai i tentativës së sofistikuar (të sukseshme apo jo?) por ai që pikërisht qeveria Amerikane i kishte ndihmuar vete pa dijeninë e saj.

Duke dashur të bashkëpunojë me mandatet e qeverisë, mbi mbledhjen e të dhënave të përdoruesve të tij, Google kishte krijuar një backdoor (derë të pasme) tek llogaritë e Gmail. Kjo mundësi ishte ajo që u shfrytezua dhe nga hackerët Kinezë për të patur akses.

Sistemi i Google (apo propozimi i AKEP) nuk është i vetëm. Qeveri të ndryshme perëndimore, Suedia, Kanadaja, UK, po tentojnë të aprovojnë ligje të cilat ju japin fuqi të plota mbi survejimin e Internetit, në raste të ndryshme duke ju kërkuar kompanive të ridizanjojnë edhe produktet apo shërbimet që shesin.

Shumë të tjerë po kalojnë dhe ligje mbi “ruajtjen e të dhënave” të klientëve të tyre. Në Amerikë ligji i 1994 (Presidenca Klinton) Communications Assistance for Law Enforcement Act ju kërkonte kompanive telefonike të lehtësonin përgjimin nga ana e FBI, që nga 2001, NSA ka ndërtuar sisteme të ndryshme survejimi me ndihmën e po këtyre kompanive.

Problemi është se sisteme të tilla ftojnë në keqpërdorim, kriminelë që bëjnë për vete këtë sasi të dhënash, abuzim qeveritar apo aplikim i tyre sipas dëshirës së autoritetit. Siç dihet FBI shumë herë ka përgjuar telefonat e Amerikanëve në mënyrë të jashtëligjshme, nën pretekstin e luftës ndaj terrorizmit, 3500 herë nga 2002 deri me 2006 pa një mandat. Survejimi dhe kontrolli i të dhënave në Internet nuk do jetë aspak ndryshe.

Abuzimi zyrtar është shumë i keq, por ajo që duhet të na shqetësojë nuk është vetëm ai zyrtari po edhe ai jo-zyrtar. Çdo sistem survejimi apo kontrolli duhet të sigurohet gjithashtu. Një infrastrukturë survejimi dhe kontrolli domosdo kërkon që edhe për vete të ketë survejim dhe kontroll, të dyja, nga njerëz që dihen dhe nga ata që nuk dihen (hackerët kinezë?).

Hackerët Kinezë shfrytëzuan sistemin që Google kishte ndërtuar për të ju bindur urdhërave të përgjimit nga qeveria Amerikane. Rasti i fundit i Sony me humbjen e informacionit të perdoruesve të tij na tregon shumë qartë që nuk janë vetëm “zyrtarët” të aftë për të mbledhur të dhëna nga Interneti apo për të përgjuar bisedat private të përdoruesve të Internetit, madje duhet preçizuar që ata “jo zyrtarët” shpeshherë për të mos thënë gjithmonë, janë më efikasë se “zyrtarët”.

AKEP kërkon të aprovojë një rregullore e cila kërkon që të ngrejë një infrastrukturë që lejon survejimin e telefonatave të ndryshme dhe e-maileve të shkëmbyera nga shtetasit Shqiptarë. Rasti i NSA, të cilët kanë kohë që e kanë aprovuar këtë metodë pas 11 shtatorit, na kujton metodën e tyre, duke mbledhur më shumë të dhëna se sa ju lejohej dhe duke përdorur sistemin për të përgjuar gratë, të dashurat apo zyrtarët si presidentin Klinton.

Por ai i mësipermi nuk është keqperdorimi më serioz i infrastruktuarve të survejimit të telekomunikacionit. Në Greqi, midis Qershorit të 2004 dhe Marsit të 2005, dikush përgjoi dhe regjistroi më shumë se 100 telefonë celularë të cilët ju përkisnin anëtarëve të qeverisë Greke: Kryeministrit, Ministrit të mbrojtjes, punëve të jashtme dhe drejtësisë.

Ericsson ndërtoi këtë kapacitet regjistrimi në produktet e Vodafone, kapacitet i cili aktivizohej vetëm nga qeveritë që bënin kërkesën. Greqia nuk ishte një nga këto qeveri, por dikush që akoma nuk dihet — Ndoshta rival politik? Krimi i organizuar? Shërbimet e spiunazhit të huaj? — gjeti mënyrën si ta aktivizonte këtë opsion!

Infrastrukturat e survejimit mund të eksportohen, të cilat shtojnë më shume atë mendimin e totalitarizmit rreth e përçark globit. Kompani të ndryshme perëndimore si Siemens dhe Nokia kanë ndërtuar sistemin e survejimit të Iranit. Kompani të ndryshme Amerikane kanë ndihmuar në ndërtimin e shtetit policor elektronik Kinez. Vetëm vitin e kaluar anonimiteti i Twitterit shpëtoi jetët e disidentëve Iranianë, ai anonimitet që qeveritë po tentojnë të eliminojnë.

Pas deklaratës së Google, disa anëtarë të Kongresit Amerikan po tentojnë të risjellin në jetë një ligj i cili eliminon mundësinë e bashkëpunimit të kompanive teknologjike me qeveritë të cilat spiunojnë në mënyrë digjitale qytetarët e tyre. Me sa duket këta legjislatorë nuk kanë kuptar që qeveria e tyre është vetë në atë listë.

Duhet të mësohemi, adaptohemi, me këto ndryshime. Çdo vit po sjell më shumë kontroll dhe censurë të Internetit, jo vetëm në shtete si Kina apo Irani por dhe në ato perëndimore si Shtetet e Bashkuara të Amerikës, Mbretëria e Bashkuar, Kanadaja dhe shtete të tjera të lira, duke u shtyrë çdo ditë e më shumë nën pretekstin e luftës ndaj terrorizmit, ndaj pornografisë minorene, ndaj kriminelëve të tjerë apo nga kompanitë e ndryshme të mediave në tentativën për të ndaluar ndarjen e file-ve (filmave, muzikës…)

Problemi është se një kontroll i tillë nuk na siguron, përkundrazi. Duke anashkaluar arsyetimin nëse përgjuesit janë të mirët apo të këqinjtë, sisteme të tilla thjesht na vendosin të gjithëve në rrezik. Sistemet e komunikimit të cilat nuk kanë kapacitet survejimi janë më të sigurta se sistemet me ato kapacitete të ndërtuara në to. Gjithashtu është një higjienë civile e pisët të ndërtosh teknologji të cilat lehtësisht mund të ndihmojnë një të nesërme një shtet policor.

Rregullorja e AKEP nuk duhet aprovuar! shkruar tek: eklipsi.com

Në më pak se dy javë milona video të ngarkuara nga ish-rivali gjashtë vjeçar i YouTube, Google Video, nuk do jenë më në dispozicion për shikuesit, shërbimi do ndërpritet.

Për përdoruesit do vendoset një mundësi shkarkimi i videove, një buton i cili do jetë i disponueshem deri me 13 Maj! Google, sidoqoftë, nuk do ofrojë për përdoruesit e tij shërbim transferimi të videove tek llogaria e YouTube.

Butoni Shkarko Video

Gjigandi i kërkimit kishte kohë që po e spostonte nën hije Google Video-n pas blerjes miliardere të rivalit të asaj kohe YouTube. Google video nga ana tjetër anullonte çdo material të blerë (me rikthim lekësh) gjithashtu hiqte edhe mundësine për të ngarkuar video të tjera.

Ndërprerja e këtij shërbimi është një goditje e madhe që po merr eko-sistemi i videove në web, pasi ky ishte një nga sherbimet më të mëdha që lejonte hostim falas të videove të gjata (me përmasa të mëdha).

Komunitetet online po organizohen, përdoruesit e Reddit kanë krijuar një temë ku sugjerojnë videot më interesante dhe unike të cilat nuk gjenden në asnjë vend tjetër online, Archive Team, të cilët pak kohë më parë ruajtën një nga pasuritë më të vjetra të webit si Geocities, po krijojnë një marrëveshje me Archive.org për të ruajtur sa më shumë video të jetë e mundur.

Më poshtë mund të shikoni një përmbledhje të vogël të disa prej videove më të bukura që ofron Google Video!

2005

* Pamje në Person-të-parë të një video 14 minutëshe ndjekjeje makine
* Një interval kohor i kanalit të Panamasë

2006

* Fizika për presidentët e të ardhmes një seri leksionesh
* Threads, një hipotezë mbi efektet e një lufte bërthamore
* Një dokumentar i BBC mbi konvertimin e të krishterëve Texanë dhe përqafimi i islamit
* Një solo në kitarë nga Stanley Jordan
* Frika ndaj vajzave, një dokumentar tallës 10-minutësh mbi stereotipet e lojtarëve online RPG
* Një udhëtim me trenin magnetik MagLev, super të shpejtë, Japonez
* Dokumentar (historik) mbi një person i cili udhëton në këmbë nga jugu në veri të Japonisë
* Pamje filmike të bombës atomike “Tsar Bomba”, testi atomik më i madh në botë
* Gjëra të vogla që lëkunden: Richard Feynman dhe Fizika Atomike
* Qindra studentë luajnë rolin e lëvizjes së molekulave
* Pamje filmike ajrore të WWII
* Listë me leksione të Universitetit të Kalifornise, Berkeley
* I gjallë në Joburg, filmi me metrazh të shkurtër paraardhësi i District 9
* Filmime nga 1955: Recension i R & B
* Turne: Radiohead Live – OK Computer

2007

* George Carlin 1, 2, 3, 4, 5, 6, 7, 8, 9, 10.
* Nosferatu, The Immigrant, dhe The Cabinet of Dr. Caligari
* Richard Feynman – Kënaqësia e zbulimeve të reja
* Dokumentimi i historisë së ateizmit
* Chomsky vs. Buckley
* Klipet kërkimore të vitit të Google

2008

* “Rikthimi i Portokallit mekanik” diskutim mbi filmin klasik të Kubrick
* Dy leksione që shpjegojnë pse asnjëherë nuk duhet të flasësh me policinë (kjo ndoshta vlen me shumë për Amerikën sdq llogjika është e njëjtë gijthandej)
* Si ndërtesat mësojnë: Një seri prej 6 episodesh nga BBC mbi arkitekturën 1, 2, 3, 4, 5, 6.
* “Kurthi”: Një dokumentar me tre episode mbi zhvillimin e konceptit të lirisë së individit 1, 2, 3.

2009

* “Në brendësi të arkivolit Chernobyl“: Një dokumentar mbi tentativën vetvrasëse për të përmbajtur katastrofën bërthamore
* Filmi Cowboy Bebop
* Një dokumentar antropologjik i cili trajton “Njeriun kafshë” në gjashtë pjesë 1, 2, 3, 4, 5, 6.
* High Tech Soul dhe Pump Up the Volume dokumentarë mbi muzikën elektronike.

2010

* Filmim i varrimit të nëndetëseve Sovietike të kapura nga Shtetet e Bashkuara të Amerikës
* “The Plague Dogs,” një film vizatimor mbi eksperimentet që bëheshin ndaj qenve

2011

* Komplet sezoni i parë humoristik “Red vs. Blue”
* Një dokumentar 42-minutësh mbi arratisjen e një të mbijetuari nga kampi i Auschwitz në fjalët e tij
* Dokumentar mbi ngrohjen globale i 1989
* Filmi më pak i prerë i humbur i Kubrick “Fear and Desire”
* Dokumentar mbi një librashitës Parisien
* Intervista e Douglas Adams
* The Mondragon Experiment dokumentar i BBC mbi punën/korporatat
* Dokumentarët e të famshmit Adam Curtis
* Një dokumentar mbi vartësinë që ne si “njerëz” kemi ndaj kafshëve
* SPIN dokumentar mbi prapaskenën e 1990 jetuar në plan të parë nga politikanët dhe gazetarët
* David Attenborough mbi tributë e pakontaktuara nga njerëzit të Guinesë së Re

Mos harroni të shikoni edhe videot e vendosura nga vetë Google

përditësim: Disa ditë pasi u dha lajmi i mbylljes përfundimtare të GoogleVideo Interneti filloi të reagonte dhe të organizohej për të ruajtur këtë pasuri që ju përket të gjithëve. Google pas një reagimi të tillë ka vendosur të shtyjë në afat të pacaktuar mbylljen, gjithashtu ka shtuar edhe mundësinë për të transferuar videot tek llogaritë e YouTube.

Google Video drejt mbylljes! Nje liste me videot me te bukura. shkruar tek: eklipsi.com

Tani kemi mundësinë të shikojmë sistemin tonë diellor dhe lëvizjen e planetëve direkt nga kompjuteri ynë. Mund të zgjidhni si sistemin Copernician heliocentrik (dielli në qendër) ose atë Tychonian gjeocentrik (toka në qendër).

Gjithashtu nëse dëshironi të shikoni pozicionin e palentëve në një datë të caktuar mund të vendosni datën dhe ta shikoni atë!

Disa prova me datat e ndryshme tregojnë që në 2507 dhe 3032 planetët do jenë në linjë me njëri tjetrin…

Planetet ne linje 2507

Planetet ne linje 3032

Piotr Kaczmarek është krijuesi i këtij planetari digjital dhe këtu mund të shikoni sistemin të plotë në ekranin tuaj.

Sistemi diellor, planetet dhe orbita e tyre! shkruar tek: eklipsi.com

Pirati Tipik

Çfarë nënkupton ky lajm? Filmat në cilësi 1080p, BluRay, kanë qënë të disponueshëm kohë më parë në adresa të ndryshme torrent për tu shkarkuar. Cfarë ndikimi do ketë ky lajm tek “pirateria”?

Ky lajm nuk ka asnjë lidhje me “krakimin e disqeve BluRay” për të bërë ekstrakt përmbajtjen e tyre. Ajo që është arritur është thyerja e “The HDCP master key” i cili bën të mundur çkodimin e kriptimit (mbrojtjes) të të dhënave që kalojnë midis aparaturës dhe diskut BluRay, rrjedhimisht lejimin e kopjimit të këtyre të dhënave.

Interesantja e këtij lajmi qëndron tek fakti se, (pak histori) para se të “krakohej” formati DVD, ishte gjithmonë e mundur që të lidhej një “DVD Player” me “video in” të një karte video për të regjistruar filmin, ndërkohë që ai është në play, pasi, ndërkohë që përmbajtja e DVD ishte e kriptuar imazhet/të dhënat e dërguara tek destinacioni (TV, PC,…) nuk ishin të tilla. E njëjta llogjikë që qëndronte pas kopjimit të kasetave LP, VHS.

Zakonisht kjo quhej “vrima analoge”. e çdo skeme mbrojtjeje/DRM pasi ishte gjithmonë e mundur të arrije të merrje të dhënat në momentin që ato konvertoheshin nga forma digjitale në sinjal analog (një valë zëri, një imazh…), fundja ajo që ne kemi nevojë është aftësia të shikojmë dhe të dëgjojmë (filmin).

HDMI ishte menduar pikërisht për të mbyllur këtë “vrimë” duke kërkuar që të gjithë komponentët e HDMI të punojnë me sinjal të kriptuar dhe vetëm atyre që pranonin tu bindeshin rregullave, pra cilitdo “Konsorc” që prodhonte “komponentët”, i jepej çelësi për të dekriptuar të dhënat. Sigurisht një nga kërkesat ishte mohimi i mundësisë për të ruajtur “të dhënat” që ishin markuar si “të mbrojtura”. Qëllimi ishte që mos të kishit kurrë mundësi të lidhnit kavon HDMI me një çfarëdo PC të lirë dhe të regjistronit “sinjalin” siç ishte e mundur për DVD.

Tani që kodi është thyer do jetë e mundur të rikthehet ajo “vrima analoge” e mëparshme dhe të gjithë do kenë të mundur të ruajnë çfarëdo të dhëne që kalon nëpërmjet kavos HDMI.

Gjithashtu mund të nënkuptojë që tani, me shumë mundësi, ndonjë fabrikë Kineze do fillojë të krijojë aparatura që përdorin HDMI pa patur nevojë të regjistrohen (pa patur nevoje ti binden ligjit) të Konsorcit (që ka prodhuar komponentët) dhe mban të drejtat mbi HDMI. Ndaj së shpejti me shumë mundësi do shikojme klone të aparaturave që suportojnë “full 1080i HDMI” me opsion ruajtjen e “të dhënave” nëpër aparatura apo kompjutera…

Sigurisht është një goditje e rëndë ndaj “atyre” të cilët kanë hedhur/investuar miliona dollarë për kërkimin dhe zhvillimin e kësaj teknologjie!

Për ta mbyllur po ju lë me një link i cili tregon në mënyrë vizive raportin e Piratëve me Autoritetin!

burimi: Slashdot, Rudd-O
imazhi: Pirate Dog

Thyhet kodi kriptues i HDMI! Cfare nenkupton kjo gje? shkruar tek: eklipsi.com

Hulu

Kohë më parë ju kemi mësuar me anë të një tutoriali se si të shikonit Hulu.com duke përdorur një program i cili kishte aftësinë të kamuflonte adresën tuaj të ip në një adresë ip Amerikane, pasi Hulu.com është një faqe interneti që mund të shikohet vetëm brënda kufinjve Amerikane dhe i dedikohet publikut Amerikan!

Sot me një tutorial të detajuar (me imazhe) do ju tregojmë se si mund të ja arrini qëllimit për të parë Hulu.com pa patur nevojën që të fshiheni pas adresave proxy! Mjafton që të keni një linjë të mirë interneti dhe pasi të ndiqni hapat e tutorialit atëherë në një kohë të shkurtër do keni mundësinë të shikoni edhe serialet e fundit Amerikane pa proxy.

Për çfarë do keni nevojë:

1. Browserin Mozilla Firefox
2. Add-onin Modify Headers
3. Microsoft Management Console (E përfshirë në Windows)

Hapi 1 – Instaloni Firefox dhe add-onin Modify Headers:

Nëse nuk e keni të instaluar akoma Firefoxin, instalojeni.
Instaloni add-onin Modify Headers nga linku i mësipërm.

Hapi 2 – Konfiguroni add-onin Modify Headers:

1. Në Firefox, klikoni Tools dhe pastaj Modify Headers.
2. Në pjesën sipër të dritares Modify Headers është një kuti e vogël “drop-down box”. Selektoni Add nga ajo kuti.
3. Në fushën e parë të tekstit ngjitur me drop-down, shkruani “X-Forwarded-For” pa thonjëza.
4. Në fushën e dytë të tekstit, shkruani “12.13.14.15″(ose ip të Google psh, mjafton të jetë një ip Amerikane) pa thonjëza.
5. Lëreni fushën e tretë të tekstit bosh dhe klikoni Add në të djathtë të saj.
6. Klikoni butonin Enable All në të djathtë.
7. Klikoni butonin Configuration, sigurohuni që “Always On: Enable modify headers when the window/tab is closed” të jetë i selektuar, nëse nuk keni ndonjë arsye të veçantë të mos e mbani të selektuar…

KUJDES: Modifikimi i mësipërm mund të shkaktojë ndërhyrje me faqet e tjera të internetit që ju keni dëshirë të kujtojnë se jeni vizitor nga shteti ku ndodheni ju. Sdq mund të ç’aktivizoni add-on në kohën që nuk përdorni Hulu.

[slideshow id=1]

[nggallery id=1]

Hapi 3 – Bllokoni portat tcp/udp që Hulu përdor në Microsoft Management Console.

Duket si e komplikuar por është më e lehtë se sa duket

Seksioni A – Shtoni një “IP Security Policies on Local Computer” snap-in në MMC

1. Në Windows 7/Vista ju mjafton të klikoni Start dhe të shkruani “mmc” pa thonjëza dhe të shtypni Enter, në XP duhet të klikoni Start > Run > shkruani “mmc” pa thonjëza dhe shtypni Enter.
2. Klikoni File dhe pastaj Add/Remove snap-in
3. Selektoni “IP Security Policy Management” dhe klikoni butonin Add në mes.
4. Një dritare/proçedure e re do hapet, lëreni në “Local Computer” dhe klikoni Finish.
5. Pastaj në dritaren e Add/Remove snap-in, klikoni OK.

[nggallery id=2]

Seksioni B – Krijoni një IP Security Policy për Hulu

1. Në dritaren kryesore të MMC, klikoni me të djathtën dhe selektoni “IP Security Policies on Local Computer”
2. Klikoni Action në pjesën e sipërme të menusë dhe pastaj “Create IP Security Policy”
3. Në dritaren e re që hapet, klikoni Next.
4. Vendosni një emër për policy e re, Unë vendosa “Policy e Sigurise Hulu”. Klikoni Next.
5. Requests for secure communication? ska rëndësi, klikoni Next.
6. Hiqni selektimin e kutisë së “edit” dhe klikoni Finish.

[nggallery id=3]

Seksioni C – Krijoni një Listë Filter IP të portave tcp/udp që dëshironi të bllokoni.

1. Në dritaren kryesore të MMC, klikoni dhe selektoni “IP Security Policies on Local Computer” sërish.
2. Klikoni Action në pjesën e sipërme dhe pastaj “Manage IP Filter Lists and Filter Actions”
3. Tek tab “Manage IP Filter Lists”, klikoni Add.
4. Vendosni një emër sipas dëshirës për filtrin e ri. Unë zgjodha “Bllokimi i TCP/UDP Hulu”.
5. Klikoni Add. Në dritaren e re që do dalë “Welcome to IP Filter Wizard”, klikoni Next.
6. Nuk ka ndonjë arsye për të vendosur përshkrimin/description… klikoni Next.
7. Për “source IP address”, zgjidhni “Any IP Address” dhe klikoni Next.
8. Për “destination IP address”, zgjidhni “Any IP Address” dhe klikoni Next.
9. Për “protocol type”, zgjidhni “TCP” dhe klikoni Next.
10. Zgjidhni “To this port” dhe vendosni 1935 në kutinë boshe dhe klikoni Next.
11. Klikoni Finish.
12. Në kutinë “IP Filter List” tani duhet të keni 1 IP filter për portën TCP 1935.
13. Ndiqni hapat nga 5 tek 11 dhe një herë tjetër, duke ndryshuar UDP në vënd të TCP.
14. Në kutinë “IP Filter List” tani do keni 2 IP filters për TCP dhe UDP në portën 1935.
14. Klikoni OK.

[nggallery id=4]

Seksioni D – Shtoni një Aksion filtrues IP në mënyrë që MMC të bllokojë portat e mësipërme tcp/udp.

1. Tani që jeni kthyer pas në dritaren  ”Manage IP Filter Lists and Filter Actions”.
2. Klikoni tabin “Manage Filter Actions” sipër dhe pastaj klikoni butonin Add.
3. Në dritaren e re që hapet, klikoni Next.
4. Vendosni një emër për aksionin, si psh “Bllokimi i Hulu” dhe klikoni Next.
5. Në dritaren që hapet “Filter Action General Options”, selektoni “Block” klikoni Next dhe pastaj Finish.
6. Në dritaren e “Manage IP Filter Lists and Filter Actions” klikoni Apply dhe pastaj OK.

[nggallery id=5]

Seksioni E – Krijoni një rregull Sigurie IP duke kombinuar Listën e Filtrit IP, Filter List dhe Aksionin Filter IP, nga seksionet mësipër.

1. Në dritaren kryesore të MMC, klikoni me të djathtën mbi Policy e Sigurisë Hulu që krijuam dhe klikoni Properties.
2. Tek tab Rules, klikoni Add.
3. Në dritaren e re që hapet, klikoni Next.
4. Lëreni opsionin e selektuar në default “This rule does not specify a tunnel” dhe klikoni Next.
5. Për Network Type, selektoni “All Network Connections” dhe klikoni Next.
6. Tek dritarja “IP Filter List” Selektoni “Bllokimi i TCP/UDP i Hulu” (vendosni pikën brënda rrethit të vogël ) dhe klikoni Next.
7. Tek dritarja “Filter Action” Selektoni “Bllokimi i Hulu” si në pikën e mësipërme dhe klikoni Next.
8. Klikoni Finish.

[nggallery id=6]

Seksioni F – Jepini Assign Policy i Sigurise IP Hulu dhe provojeni!

1. Në dritaren kryesore të MMC, klikoni me të djathtën mbi “Policy e Sigurise IP Hulu” që kemi krijuar dhe klikoni “Assign”
2.  Pasi të mbyllni dhe të hapni sërish Firefoxin, do keni mundësi të përdorni faqen Hulu.com edhe jashtë territorit Amerikan!

[nggallery id=7]

Tani do keni mundësinë të shikoni serialet dhe filmat në Hulu.com, pa nevojën e ndonjë proxy apo vpn, që më parë ishin të disponueshëm vetëm për publikun Amerikan!

[nggallery id=8]

Nëse do arrini me sukses të gjitha hapat dhe tutoriali mësipër do ju funksiojë ashtu siç funksioi edhe për ne, mos hezitoni por na lini ndonjë koment!

Ps: Protip, mjafton të ndiqni veprimet tek imazhet e vendosura dhe do ja arrini pa asnjë komplikim!

Guide “For Dummies” per te pare Hulu pa proxy! shkruar tek: eklipsi.com

E ardhmja?

Me nje kapacitet prej 5 MB, ne fotografine e mëposhtme keni mundësinë të shikoni njësinë e Hard Diskut 350 të IBM i cili mund të mbante afërsisht 2 file MP3!

IBM 350

Në faqen e IBM ka informacione më të zgjeruara rreth modelit në fjalë.

Momentalisht në 2010 gjëndemi me një kartë 64GB të SD në dispozicion të të apasionuarve (apo të atyre që kanë nevojë për këtë sasi memorie në një SD)!

SD 64GB

Tani parashikohet që Sony ne bashkepunim me SanDisk të nxjerrë në treg kartat SD me nje kapacitet 2TB! Që do të thotë pak a shumë rreth 800.000 këngë në format MP3!

SD 2TB

Interesant evolucioni i arritur në këtë drejtim (raporti: permasa – sasi)!

1956 – 2010 (2014?) e ardhmja? shkruar tek: eklipsi.com

1 Prilli

Iku edhe 1 prilli 2010, po ora ka kaluar 00:00 dhe @mbreti3gut në twitter na kujton që nuk duhet të gënjejmë më! – Ah sikur të mos gënjente më njeri…

Dje ishte një ditë interesante 1 prilli, si çdo vit komuniteti online filloi të gumëzhinte nga shakatë dhe gënjeshtrat të cilat karakterizojnë këtë ditë!

Disa nga gënjeshtrat ishin të bukura… të menduara mirë… me poshte kemi listuar ato qe na kane terhequr me shume

Shakaja e rrjetit social reddit.com

Ajo që ata kishin menduar ishte, të plotësonin utopinë e komunizmit! Të gjithë të barabartë! Të gjithë ishin Admine të këtij rrjeti social në ditën e 1 prillit!

RedditAdmin

Shakatë e kompanisë Google

Google para disa kohësh dha lajmin e vërtetë ku thoshte që do investojë në një projekt i cili do pajiste me fibër optike një komunitet të tërë! Komuniteti i Topeka në Kansas City ka kohë që po tenton të joshë Google që këtë investim ta bëjë tek ata!

Google me 1 prill ndërroi emrin e tij në Topeka, sigurisht një shaka por e bukur ama

Topeka

Kjo ama nuk ka qënë shakaja e vetme e Google! Google UK, ka nxjerrë një produkt të ri për publikun e gjerë, Përkthyesin e Kafshëve.

Reagimi i fermerit është fantastik fare

Shakaja e laboratorit te Pershpejtuesit te grimcave LHC

Një sabotator u arrestua me datë 1 prill, në afërsi të Large Hadron Collider (Përshpejtuesit të grimcave) dhe Zvicra pranoi faktin që njeriu në fjalë ishte nga e ardhmja! Eloi Cole, një njeri i veshur në mënyrë të çuditshme, tha që kishte udhëtuar pas në kohë për të ndaluar shkatërrimin e botës nga LHC.

LHC

iCade produkti i ri i ThinkGeek

Thinkgeek ka menduar të na prezantojë një produkt të ri, bëhet fjalë për iCade – iPad Arcade Cabinet!

Në kohën e prezantimit të iPad të gjithë filluan të ankohen duke bërë krahasime të ndryshme dhe duke thënë që iPad ishte thjesht një iPhone gjigand. Pati dhe ankesa të shumta për faktin që nuk suporton flash! Por stafi i MAME doli më datën 1 prill me idenë fantastike të rikthimit të lojrave të vjetra (Old School) pikërisht me produktin iCade i cili të lejon ti lozësh duke përdorur iPad.

iCade

E bukura e këtyre shakave që ju sollëm është se nëse do ishin publikuar një ditë tjetër, të ndryshme nga 1 prilli, mund të ishin pa frikë lajme të vërteta! Kush ishte shakaja juaj e preferuar?

Ps: Diçka tjetër që duhet përmendur mendoj se është dhe fakti që me 1 prill stafi i trillime.com ka qënë pushim. E meritojnë 1 ditë në vit!

Iku dhe 1 prilli shkruar tek: eklipsi.com