Sot në Tokio, BE dhe 22 shtetet anëtare të saj, zyrtarisht nënshkruan ACTA, Marrëveshjen e Tregtisë Kundra Falsifikimit. Lëvizja globale e qytetarëve të organizuar për të kundërshtuar SOPA dhe PIPA tani ka një objektiv të ri dhe duhet të përqëndrohet në mposhtjen e ACTA, e cila ka ndikim global.

Pak ditë pas protestave kundër projektligjeve SOPA dhe PIPA në Shtetet e Bashkuara, ceremonia e sotme e nënshkrimit të ACTA, na lë të kuptojmë trendin e kohëve të fundit, anashkalimin e demokracisë për të imponuar politika që dëmtojnë lirinë e komunikimit dhe inovacionit në mbarë botën. Megjithatë, nënshkrimi i sotëm nuk do të thotë që çdo gjë ka marrë fund.

Cilido qytetar, i gatshëm për të vepruar, tani ka mundësinë të marrë pjesë në protestat që po organizohen për të mposhtur ACTA. Protesta të cilat do peshojnë në secilin nga hapat e procedurës, i fundit nga të cilët do jetë votimi përfundimtar nga Parlamenti Europian jo para 1 Qershorit.

Në ditët e fundit, kemi parë protestat e nisura nga polakët dhe të tjerë qytetarë të BE-së, të cilët janë të shqetësuar, me të drejtë, në lidhje me efektin që ACTA do ketë në lirinë e shprehjes, blerjes së ilaçeve, por edhe në qasjen ndaj kulturës dhe dijes. Kjo lëvizje e rëndësishme së shpejti do të rritet. Qytetarët duhet të kërkojnë demokracinë e humbur, ndaj ndikimit të dëmshëm të interesave të korporatave në kontekstin e politikës globale.

Jérémie Zimmermann, zëdhënës i grupit të avokatisë qytetare La Quadrature du Net tha: “Për çdo diskutim, debat, dhe votim që do mbahet mbi ACTA në komisionet e Parlamentit Evropian, para votimit përfundimtar të kësaj vere, njerëzit duhet të angazhohen me përfaqësuesit e tyre.”

Procedura e ACTA në Parlamentin Evropian:

Komiteti i Tregtisë Ndërkombëtare (INTA) është komiteti kryesor në Parlamentin Evropian për ACTA.

Komitetet, Komisioni për Çështjet Ligjore (JURI), ai i Zhvillimit (DEVE), ai i Lirive Civile (LIBE) dhe Industrisë (ITRE) do të votojnë mendimet e tyre të para, pas një “shkëmbimi të pikëpamjeve” mbi këto projekte në javët e ardhshme.

Pikëpamjet pastaj do të dërgohen tek (INTA) me qëllim për të ndikuar në raportin final të këtij komisioni, opinioni i INTA do të shërbejë si mendimi më i rëndësishëm ndikues mbi Parlamentin Evropian si entiteti përfundimtar i cili do të refuzojë ose do të pranojë ACTA.

Së fundi, votimi në seancë plenare të Parlamentit Evropian mbi ACTA duhet të mbahet jo më parë se data 1 Qershor.

Teksti i plote i ACTA mund te lexohet ketu [PDF]

Sot u firmos nga ana e Bashkimit Europian ne Tokio ACTA, Marreveshja Tregtare Kundra Falsifikimit shkruar tek: eklipsi.com

Dje me datë 18 janar 2012 Interneti mori pjesë në një grevë, (iniciativë e reddit), duke bllokuar hyrjen dhe shërbimet tek faqet pjesëmarrëse, në protestë të projektligjeve të propozuara në kongresin amerikan, SOPA dhe PIPA.

Sensibilizimi i opinionit publik ishte qëllimi kryesor i grevës dhe shifrat pas kësaj iniciative tregojnë se impakti ka qënë i konsiderueshëm.

Numrat: Mbi 4.500.000 firma. Mbi 2.000.000 emaile (pa shifrat e wikipedia). Mbi 75.000 faqe interneti në grevë (të deklaruara, numri ka qënë shumë më i madh).

Para se të fillonte greva numrat qëndronin në këtë rend mbi të dyja projekt-ligjet:

Pro: 80
Kundra: 30
(pjesa tjetër nuk kishte dhënë akoma preferëncën mbi to)

Pas grevës renditja ka ndryshuar:

Pro: 64
(shikojmë se 16? senatorë kanë ndryshuar opinion mbi SOPA & PIPA)
Kundra: 108
(Numri i senatorëve që kanë dhënë pozicionin e tyre kundra është shtuar)

Interesat në të dy krahët e SOPA dhe PIPA po pozicionohen midis anetarëve të kongresit Amerikan. Këtu mund të shikoni një përmbledhje të tyre. Mund të shikoni nëse kongresmeni në fjalë është sponsorizues (Pro) i projektligjit apo (Kundra) dhe deklaratat zyrtare të secilit mbi pozicionin ndaj këtyre projektligjeve.

*Numri dhe preferencat ndryshojne me kalimin e kohës, derisa të shprehen të gjithë votuesit.

Peticionin e Google e kanë firmosur më shumë se 7 milionë persona.

Më shumë se 162 milionë persona panë mesazhin e Wikipedias, dhe prej këtyre 8 milionë vazhduan për të kontaktuar përfaqësuesit e tyre në kongres.

Nëse akoma nuk dini se çfarë janë SOPA dhe PIPA mund të shikoni videon e fundit nga Sal Khan i Khanacademy mbi to.

Reagimet:

Një profesioniste e Hollywoodit, Marta Evry, jep mendimin e saj.

Ruppert Murdoch nga llogaria e tij e Twitter pranon efektin që greva pati mbi politikanët amerikanë.

Një ditë pas protestës FBI mbyll faqen e Megaupload/Megavideo në luftën kundra piraterisë.

Cfare ndikimi pati greva e 18 janarit! Nje permbledhje. shkruar tek: eklipsi.com

Të mërkurën, më 18 janar, një pjesë e konsiderueshme e internetit mori pjesë në grevën (e cila po vazhdon edhe në këto momente) për të protestuar legjislacionin që është propozuar para Kongresit Amerikan. Nëse projekt-ligji, i njohur si “Stop Online Piracy Act” do aprovohet ai do ketë një ndikim te madh në përdorimin e internetit në SHBA dhe në botë.

Fjala e lirë do të limitohet, ndërkohë që mediat e mëdha dhe korporatat do të rrisin fitimet e tyre.

Për më shumë informacione mund te lexoni faqen SOPA strike (tek e cila, nëse jetoni ne Amerikë, përfshihen mënyra për të kontaktuar kongresmenët që ju përfaqësojnë).

Një listë e faqeve që kanë aderuar në këtë grevë eshte mbajtur nga chrisacky dhe mund ta shikoni mëposhtë.

MoJang

Google

BoingBoing

XKCD

Blog i Flickr

GNU

DuckDuckGo

WordPress

TechCrunch

Reddit

Firefox

4Chan

Scribd

Imgur

Wired

FroKnowsPhoto

RockPaperShotgun

StopSoap

Craigslist

Mendeley

Twitterpix

Buzzfeed

NameCheap (Për tu admiruar!)

O’Reilly

Partia Pirate Gjermane

PHP

TheOatmeal

Reportere Pa Kufij

Faqe të tjera:

TryBloc

Fark.com

TheDailyWhat

Interneti ne greve! Stop SOPA & PIPA. shkruar tek: eklipsi.com

Para 7 vjetësh Danimarka aprovoi filtrin kundra pornografisë së fëmijëve. Njerëz të ndryshëm thanë që kjo ishte një ide e keqe, por përgjigjia ishte se këta kundërshtues ishin thjesht pedofilë, ose njerëz që po tentonin të ndihmonin pedofilët. Njerëz të tjerë mëshuan mbi faktin që kjo ishte kundra kushtetutës, e cila në fakt ishte.

Censura u implementua në një mënyrë e cila ishte formalisht, por jo në të vërtetë, vullnetare, mënyrë e cila dha sigurinë që kjo nuk ishte formalisht në kundërshtim me kushtetutën.

Disa njerez lajmëruan se në momentin që kjo infrastrukturë çensure do vihej në funksionim do përdorej, me shumë mundësi, për të çensuruar gjëra të tjera. Por, përgjigjia që ata morën ishte

“Asnjëherë! Kjo është VETEM për të ndaluar këtë krim të tmërrshëm, dhe nuk do përdoret asnjëherë për të çensuruar gjëra të tjera.”

Kaluan disa vite, dhe industrisë së muzikës Daneze nuk i pëlqente faqja allofmp3.com, e hodhën në gjyq për të marrë një mandat nga gjykata për të urdheruar ISP-të Daneze të fillonin çensurimin e allofmp3 nga interneti Danez. Gjykatësi, shkurt, tha

-” Ahh, dmth infrastruktura është e ndërtuar, pra nuk do ketë kosto plus”

, dhe dha urdhërin për të çensuruar allofmp3.com Nuk ishte një thyerje e kushtetutës pasi ishte një urdhër nga një gjykatës.

Që nga ky rast faqe të tjera “pirate” janë çensuruar. Një nga ato faqe, më e famshmja, The Pirate Bay, të cilët morën vesh që gjykata nuk do i lejonte as të flisnin për çështjen e tyre në gjykatë, apo të jepnin motivet e tyre , mbrojtjen.

Më pas politikanët Daneze zbuluan se donin të mbronin dhe rrisnin hyrjet nga taksat. Në veçanti taksat e larta që bizneset e bixhozit online paguajnë. Justifikimi zyrtar ishte limitimi i sëmundjes së tmerrshme të bixhozit.

Në këtë mënyre ata vendosën që bizneset e huaja të bixhozit duhet të paguanin taksa në Danimarkë gjithashtu, nëse donin të perdornin internetin Danez. Nëse refuzonin të paguanin taksat ata do çensuroheshin në Danimarkë.

Ndaj, ata aprovuan një ligj i cili thoshte që nëse një biznes bixhozi i huaj refuzonte të paguante taksat në Danimarkë, një gjykatë, me kërkesën e qeverisë, do jepte urdhërin për ISP-të të çensuronin faqet e tyre nga interneti Danez, dhe të mos lejohej asnjë pagesë ndaj këtyre faqeve. Nëse ndonjë nga ISP-të nuk bindet apo bankat lejojnë pagesat atëherë gjoba të majme do vendoseshin ndaj tyre.

Kohët e fundit disa nga politikanët Danezë po merakosen pasi disa kompani të huaja që shesin ilaçe në internet nuk janë të liçensuara ti shesin ato në Danimarkë. Ndaj po përgatisin një legjislacion të ri i cili do çensurojë këto faqe nga interneti Danez, dhe të bllokohen pagesat ndaj tyre.

Me pak fjale, çensura e internetit filloi para disa vitesh në një mënyrë të limituar dhe qëllime të mira. U premtua solemnisht që asgjë tjetër përveç pornografisë fëminore (kush do ishte kundra kësaj?) nuk do çensurohej. Por në momentin që infrastruktura e çensurës ishte ndërtuar, çensura filloi të shtrihej dhe në fusha të tjera. Kjo mënyrë çensurimi po zgjerohet vit pas viti.

burimi: Techdirt
imazhi: Censured

Cfare do sjelle SOPA? Lexoni eksperiencen Daneze! shkruar tek: eklipsi.com

Këshilli i të drejtave njerëzore i Kombeve të Bashkuara ka publikuar një raport [pdf], relacion nga Frank La Rue, mbi promovimin dhe mbrojtjen e të drejtës së lirisë së shprehjes dhe mendimit. Dokumenti në fjalë është një analizë e thellë e “shprehjes online”, duke parë internetin si një “problematikë e të drejtës njerëzore”.

Më poshtë janë cituar disa pjesë nga raporti të cilat nënvizojnë rëndësinë e internetit për lirinë e fjalës. Në këto citime vihet re një “arsyetim i shëndoshë” mbi çështjen. Më e rëndësishme, fakti i trajtimit/identifikimit të tij si një problematikë e të drejtave njerezore që duhet ruajtur. Si shtesë nënkuptohet këshilla që, përderisa interneti është special, meriton një rregullim ndryshe/special nga ai i mediave tradicionale.

Citimet janë marrë nga paragrafet 2, 19-23,

The Special Rapporteur believes that the Internet is one of the most powerful instruments of the 21st century for increasing transparency in the conduct of the powerful, access to information, and for facilitating active citizen participation in building democratic societies. Indeed, the recent wave of demonstrations in countries across the Middle East and North African region has shown the key role that the Internet can play in mobilizing the population to call for justice, equality, accountability and better respect for human rights. As such, facilitating access to the Internet for all individuals, with as little restriction to online content as possible, should be a priority for all States. …

Very few if any developments in information technologies have had such a revolutionary effect as the creation of the Internet. Unlike any other medium of communication, such as radio, television and printed publications based on one-way transmission of information, the Internet represents a significant leap forward as an interactive medium. Indeed, with the advent of Web 2.0 services, or intermediary platforms that facilitate participatory information sharing and collaboration in the creation of content, individuals are no longer passive recipients, but also active publishers of information. Such platforms are particularly valuable in countries where there is no independent media, as they enable individuals to share critical views and to find objective information.

Indeed, the Internet has become a key means by which individuals can exercise their right to freedom of opinion and expression, as guaranteed by article 19 of the Universal Declaration of Human Rights and the International Covenant on Civil and Political Rights. …

… the framework of international human rights law remains relevant today and equally applicable to new communication technologies such as the Internet.

The right to freedom of opinion and expression is as much a fundamental right on its own accord as it is an “enabler” of other rights, including economic, social and cultural rights, such as the right to education and the right to take part in cultural life and to enjoy the benefits of scientific progress and its applications, as well as civil and political rights, such as the rights to freedom of association and assembly. Thus, by acting as a catalyst for individuals to exercise their right to freedom of opinion and expression, the Internet also facilitates the realization of a range of other human rights.

The vast potential and benefits of the Internet are rooted in its unique characteristics, such as its speed, worldwide reach and relative anonymity. At the same time, these distinctive features of the Internet that enable individuals to disseminate information in “real time” and to mobilize people has also created fear amongst Governments and the powerful. This has led to increased restrictions on the Internet through the use of increasingly sophisticated technologies to block content, monitor and identify activists and critics, criminalization of legitimate expression, and adoption of restrictive legislation to justify such measures. In this regard, the Special Rapporteur also emphasizes that the existing international human rights standards, in particular article 19, paragraph 3, of the International Covenant on Civil and Political Rights, remain pertinent in determining the types of restrictions that are in breach of States’ obligations to guarantee the right to freedom of expression.

…

However, in many instances, States restrict, control, manipulate and censor content disseminated via the Internet without any legal basis, or on the basis of broad and ambiguous laws, without justifying the purpose of such actions; and/or in a manner that is clearly unnecessary and/or disproportionate to achieving the intended aim, as explored in the following sections. Such actions are clearly incompatible with States’ obligations under international human rights law, and often create a broader “chilling effect” on the right to freedom of opinion and expression.

In addition, the Special Rapporteur emphasizes that due to the unique characteristics of the Internet, regulations or restrictions which may be deemed legitimate and proportionate for traditional media are often not so with regard to the Internet. For example, in cases of defamation of individuals’ reputation, given the ability of the individual concerned to exercise his/her right of reply instantly to restore the harm caused, the types of sanctions that are applied to offline defamation may be unnecessary or disproportionate.

Similarly, while the protection of children from inappropriate content may constitute a legitimate aim, the availability of software filters that parents and school authorities can use to control access to certain content renders action by the Government such as blocking less necessary, and difficult to justify.12 Furthermore, unlike the broadcasting sector, for which registration or licensing has been necessary to allow States to distribute limited frequencies, such requirements cannot be justified in the case of the Internet, as it can accommodate an unlimited number of points of entry and an essentially unlimited number of users.

Raporti i OKB-se: Interneti, si çeshtje e te drejtave te njeriut shkruar tek: eklipsi.com

Projektrregullorja “Rregullore për rregjistrimin dhe mbajtjen e të dhënave të krijuara ose të përpunuara nga ofrimi i shërbimeve dhe/ose rrjeteve të komunikimeve elektronike” vënë për konsultim publik para se të miratohet nga AKEP.

Para disa kohësh Google doli në çdo faqe të parë të lajmeve për faktin që hackers Kinezë penetruan disa nga shërbimet e saj si, Gmail, në një tentativë politike të Kinës për të mbledhur informacione mbi disidentët! Lajmi sidoqoftë nuk është ai i tentativës së sofistikuar (të sukseshme apo jo?) por ai që pikërisht qeveria Amerikane i kishte ndihmuar vete pa dijeninë e saj.

Duke dashur të bashkëpunojë me mandatet e qeverisë, mbi mbledhjen e të dhënave të përdoruesve të tij, Google kishte krijuar një backdoor (derë të pasme) tek llogaritë e Gmail. Kjo mundësi ishte ajo që u shfrytezua dhe nga hackerët Kinezë për të patur akses.

Sistemi i Google (apo propozimi i AKEP) nuk është i vetëm. Qeveri të ndryshme perëndimore, Suedia, Kanadaja, UK, po tentojnë të aprovojnë ligje të cilat ju japin fuqi të plota mbi survejimin e Internetit, në raste të ndryshme duke ju kërkuar kompanive të ridizanjojnë edhe produktet apo shërbimet që shesin.

Shumë të tjerë po kalojnë dhe ligje mbi “ruajtjen e të dhënave” të klientëve të tyre. Në Amerikë ligji i 1994 (Presidenca Klinton) Communications Assistance for Law Enforcement Act ju kërkonte kompanive telefonike të lehtësonin përgjimin nga ana e FBI, që nga 2001, NSA ka ndërtuar sisteme të ndryshme survejimi me ndihmën e po këtyre kompanive.

Problemi është se sisteme të tilla ftojnë në keqpërdorim, kriminelë që bëjnë për vete këtë sasi të dhënash, abuzim qeveritar apo aplikim i tyre sipas dëshirës së autoritetit. Siç dihet FBI shumë herë ka përgjuar telefonat e Amerikanëve në mënyrë të jashtëligjshme, nën pretekstin e luftës ndaj terrorizmit, 3500 herë nga 2002 deri me 2006 pa një mandat. Survejimi dhe kontrolli i të dhënave në Internet nuk do jetë aspak ndryshe.

Abuzimi zyrtar është shumë i keq, por ajo që duhet të na shqetësojë nuk është vetëm ai zyrtari po edhe ai jo-zyrtar. Çdo sistem survejimi apo kontrolli duhet të sigurohet gjithashtu. Një infrastrukturë survejimi dhe kontrolli domosdo kërkon që edhe për vete të ketë survejim dhe kontroll, të dyja, nga njerëz që dihen dhe nga ata që nuk dihen (hackerët kinezë?).

Hackerët Kinezë shfrytëzuan sistemin që Google kishte ndërtuar për të ju bindur urdhërave të përgjimit nga qeveria Amerikane. Rasti i fundit i Sony me humbjen e informacionit të perdoruesve të tij na tregon shumë qartë që nuk janë vetëm “zyrtarët” të aftë për të mbledhur të dhëna nga Interneti apo për të përgjuar bisedat private të përdoruesve të Internetit, madje duhet preçizuar që ata “jo zyrtarët” shpeshherë për të mos thënë gjithmonë, janë më efikasë se “zyrtarët”.

AKEP kërkon të aprovojë një rregullore e cila kërkon që të ngrejë një infrastrukturë që lejon survejimin e telefonatave të ndryshme dhe e-maileve të shkëmbyera nga shtetasit Shqiptarë. Rasti i NSA, të cilët kanë kohë që e kanë aprovuar këtë metodë pas 11 shtatorit, na kujton metodën e tyre, duke mbledhur më shumë të dhëna se sa ju lejohej dhe duke përdorur sistemin për të përgjuar gratë, të dashurat apo zyrtarët si presidentin Klinton.

Por ai i mësipermi nuk është keqperdorimi më serioz i infrastruktuarve të survejimit të telekomunikacionit. Në Greqi, midis Qershorit të 2004 dhe Marsit të 2005, dikush përgjoi dhe regjistroi më shumë se 100 telefonë celularë të cilët ju përkisnin anëtarëve të qeverisë Greke: Kryeministrit, Ministrit të mbrojtjes, punëve të jashtme dhe drejtësisë.

Ericsson ndërtoi këtë kapacitet regjistrimi në produktet e Vodafone, kapacitet i cili aktivizohej vetëm nga qeveritë që bënin kërkesën. Greqia nuk ishte një nga këto qeveri, por dikush që akoma nuk dihet — Ndoshta rival politik? Krimi i organizuar? Shërbimet e spiunazhit të huaj? — gjeti mënyrën si ta aktivizonte këtë opsion!

Infrastrukturat e survejimit mund të eksportohen, të cilat shtojnë më shume atë mendimin e totalitarizmit rreth e përçark globit. Kompani të ndryshme perëndimore si Siemens dhe Nokia kanë ndërtuar sistemin e survejimit të Iranit. Kompani të ndryshme Amerikane kanë ndihmuar në ndërtimin e shtetit policor elektronik Kinez. Vetëm vitin e kaluar anonimiteti i Twitterit shpëtoi jetët e disidentëve Iranianë, ai anonimitet që qeveritë po tentojnë të eliminojnë.

Pas deklaratës së Google, disa anëtarë të Kongresit Amerikan po tentojnë të risjellin në jetë një ligj i cili eliminon mundësinë e bashkëpunimit të kompanive teknologjike me qeveritë të cilat spiunojnë në mënyrë digjitale qytetarët e tyre. Me sa duket këta legjislatorë nuk kanë kuptar që qeveria e tyre është vetë në atë listë.

Duhet të mësohemi, adaptohemi, me këto ndryshime. Çdo vit po sjell më shumë kontroll dhe censurë të Internetit, jo vetëm në shtete si Kina apo Irani por dhe në ato perëndimore si Shtetet e Bashkuara të Amerikës, Mbretëria e Bashkuar, Kanadaja dhe shtete të tjera të lira, duke u shtyrë çdo ditë e më shumë nën pretekstin e luftës ndaj terrorizmit, ndaj pornografisë minorene, ndaj kriminelëve të tjerë apo nga kompanitë e ndryshme të mediave në tentativën për të ndaluar ndarjen e file-ve (filmave, muzikës…)

Problemi është se një kontroll i tillë nuk na siguron, përkundrazi. Duke anashkaluar arsyetimin nëse përgjuesit janë të mirët apo të këqinjtë, sisteme të tilla thjesht na vendosin të gjithëve në rrezik. Sistemet e komunikimit të cilat nuk kanë kapacitet survejimi janë më të sigurta se sistemet me ato kapacitete të ndërtuara në to. Gjithashtu është një higjienë civile e pisët të ndërtosh teknologji të cilat lehtësisht mund të ndihmojnë një të nesërme një shtet policor.

Rregullorja e AKEP nuk duhet aprovuar! shkruar tek: eklipsi.com

Dy studiues të sigurisë online, Alistair Allan dhe Peter Warden, kanë zbuluar që iPhone i Apple mban të dhëna mbi spostimet e përdoruesve të tij duke ruajtur çdo detaj të kësaj lëvizjeje në një file sekret në aparaturë, të cilat, pastaj, kopjohen dhe ruhen tek kompjuteri personal kur iPhone sinkronizohet me të.

File në fjalë mban të shënuar gjerësinë dhe gjatësinë e koordinatave të vendndodhjes të cilat memorizohen së bashku me kohën e saktë, gjë që nënkupton që, kushdo që vjedh telefonin apo kompjuterin mund të zbulojë detaje të sakta mbi lëvizjet e pronarit me një program të thjeshtë, për të mos folur për thyerjen blatante të privatësisë.

Për telefonë të ndryshëm (në varësi të kohës së blerjes), të dhënat mund të arrijnë dhe një periudhë 1 vjeçare, pasi ruajtja e tyre me sa duket ka filluar që me axhiornimin e sistemit operativ, Apple iOS 4, të telefonit, lëshuar në Qershor të 2010!

“Alasdair ka kërkuar gjithashtu për kod të tillë ndjekës në telefonët Android të Google dhe nuk ka gjetur asnjë gjë të ngjashme”

Thotë Warden.

“Nuk kemi rastisur në asnjë gjë të ngjashme as nga prodhues të tjerë telefonësh deri tani.”..

“Fakti që file në fjalë transferohet tek telefoni i ri iPhone apo iPad në rast migrimi në produktin e ri është prova që mbledhja e këtyre të dhënave nuk është aksidentale.”

Sistemi i iPhone me sa duket i ruan të dhënat me apo pa pranimin e përdoruesit. Apple ka refuzuar të japë komente mbi situatën e krijuar, se pse file në fjalë është krijuar apo nëse është e mundur ta ç’aktivizosh atë…

Allan dhe Warden kanë vendosur një faqe online ku ju përgjigjen pyetjeve të ndryshme që kanë lindur nga ky zbulim i tyre.

Apple, sidoqoftë, mund të pranojë se nuk po thyen asnjë ligj mbi këtë mbledhje të dhënash që po bën: Afer fundit të TOS për programin e tij iTunes, i cili përdoret për sinkronizimin me iPhone, iPods dhe iPads, ka një paragraf ku flet mbi “Location-Based Services” i cili e bën të ligjshme këtë praktikë të saj në momentin që ështe pranuar TOS në fjalë.

Për më shumë informacione mbi këtë lajm mund të lexoni artikullin e zgjeruar të Guardian.

iPhone regjistron te gjitha levizjet tuaja shkruar tek: eklipsi.com

Ku ka lindur Interneti?

Interneti ka lindur në një dhomë në Universitetin e Kalifornisë në Los Angeles, USA, në 1969, kur laboratori i Profesorit Leonard Kleinrock dërgoi mesazhin e parë të ARPANET-it. Kohët e fundit një (Doktor në Filozofi) PhD me emrin Brad Fidler po kërkonte pikërisht për vendlindjen e Internetit dhe kuptoi që askush në të vërtetë nuk ishte i sigurtë se ku ka lindur interneti.

Pas disa kërkimeve lokalizoi vendin e saktë tek dhoma me numër 3420 në Boelter Hall, e cila deri pak kohë më parë përdorej si një klasë ku shpjegohej mësim. Planet e UCLA janë që dhoma në fjalë të hapet dhe të lejohen vizitat për publikun e interesuar. Fidler me ndihmën e Kleinrock po e restauron këte dhomë duke i dhënë pamjen origjinale të 1969 me ndihmën e fotografive historike, dëshmive okulare dhe pajisjeve origjinale që Universiteti i Kalifornise akoma i ruan dhe nuk i ka hedhur.

burimi:boingboing

Vendlindja e Internetit shkruar tek: eklipsi.com

European Journal of International Law publikoi, në një faqe interneti partnere (affiliate), një vlerësim (review) të një libri.

Autori i librit nuk kishte mbetur i kënaqur, ndaj, kontakton editorin duke kërkuar që vlerësimi “negativ” të hiqej nga faqja e internetit në fjalë.

Editori refuzoi në një letër drejtuar autorit të librit dhe një pjesë e korespondencës gjendet këtu [pdf]. Ai i sugjeroi autorit të librit që do i dërgonte letrën e ankesës personit që kishte bërë vlerësimin e librit dhe nëse ky i fundit do pranonte atëherë editori do ishte i disponueshem të aprovonte një ndryshim të vlerësimit të mëparshëm të librit.

Vlerësuesi refuzoi të bënte ndonjë ndryshim nga versioni i parë dhe editori vendosi të mbante versionin origjinal duke mos e ndryshuar atë.

Tre muaj më vonë, editori – jo vlerësuesi – gjendet nën shenjestrën e një hetimi penal/kriminal në Francë. Vend i çuditshëm duke qënë se…

Autori i librit ishte një akademik Izraelit. Libri ishte në Anglisht. Publikuesi ishte Hollandez. Vlerësuesi ishte një profesor Gjerman i famshëm. Vlerësimi ishte publikuar në një faqe interneti Amerikane.

Eksperiencën e plotë me gjykimin e tij, editori në fjalë, e ka përshkruar këtu. Një lexim shumë interesant!

përditësim:Më 3 Mars 2011, gjykata e lartë e Parisit dha vendimin e saj mbi gjykimin penal ndaj editorit të EJIL bazuar në një ankesë nga Dr Karine Calvo-Goller. Vendimi ishte pozitiv për editorin e European Journal of International Law duke i dhënë të drejtë për të gjitha akuzat e ngritura ndaj tij. Sdq mbetet për të parë reagimi i Dr Karine Calvo-Goller e cila ka të drejtën e Apelit nëse dëshiron të vazhdojë më tutje!

Editor i nje faqeje interneti? Mund te ndiqesh penalisht! shkruar tek: eklipsi.com

Një lajm i publikuar me dt 4 tetor 2010 në Gazetën Tribuna (Në versionin e saj Online) më tërhoqi vëmëndjen pasi flitej për një bashkëpunim të mundshëm ndërmjet Shqipërisë me gjigandin e webit Google!

Nga artikulli në fjalë po ju sjell disa nga prononcimet e bëra nga Zv/Ministri Ferdinand Poni (i cili është prononcuar për ATSH)!

“ekzistojnë të gjitha kushtet dhe jemi në prag të fillimit të bisedimeve me kompaninë e internetit Google, në mënyrë që të dhënat elektronike të adresave të qytetarëve, të mund të transportohen edhe në këtë Web”.

“Nëse do të klikosh në një pikë të caktuar të territorit të Bashkisë së Tiranës apo asaj të Durrësit e me radhë, do të mund të dallosh se cilët janë personat që banojnë atje dhe anasjelltas. Në se do të kërkosh në Regjistrin Civil personin për të cilin je i interesuar, këto të dhëna do të dalin në një referencë gjeografike, në ekranin e adresave”, u shpreh numri dy i ministrisë së Brendshme.

Personalisht mendoj që këto pjesë të cituara janë të gabuara në disa nivele dhe nuk e di sa i vërtetë mund të jetë ky prononcim i Zv/Ministrit, por, sinqerisht, nëse është i vërtetë, më duket i nxituar nga ana e tij, dmth pa njohuritë e duhura mbi proçesin në fjalë!

Pa u futur në diskutime mbi princip privatësie, apo kushtetutë (tematika e këtij blogu është webi) ! Zotëria, jam i sigurtë që nuk është në dijeni se si funksionon shërbimi në fjalë (Google Maps).

Të jeni të sigurtë, nëse ju do i drejtoheni kompanisë Google duke i propozuar që të vendosin në sistemin e tyre të dhëna personale “delikate” (si ato theksuar më sipër nga citimi), ata, do ju ftojnë të kontrolloni një herë më parë shërbimin se si funksionon, pastaj do ju bëjnë disa leksione demokracie, pastaj akoma nëse do e kuptoni për çfare flasin dhe gjithashtu pasi të bindeni që ajo që ju propozoni është shumë e gabuar, ndoshta do marrin parasysh një bashkëpunim me qeverinë shqiptare.

Për sa i përket shërbimit:

1) Google ka makinat/satelitet e saj që bëjnë hartimin e territoreve!

Makina e Google

2) Privatësia është një nga pikat që Google e trajton me shumë seriozitet (të paktën këtë deklaron)

Për të patur një ide mbi trajtimin që Google i bën problematikës së privatësisë mund të lexoni këtë artikull shkruar nga Matt Cutts (një nga zërat zyrtarë të kompanisë Google në internet).

Ndaj, nëse deklarata është e vërtetë dhe ajo që propozohet mendohet seriozisht është shumë e gabuar, përveç faktit që unë si qytetar nuk kam dëshirë që vendbanimi im të gjëndet me një kërkim në Google nga personi i parë qe futet ne internet. Thjesht mendoni që në Shqipëri është akoma aktuale problematika e gjakmarrjes apo mendoni për biznesmenët, gazetarët, politikanët, që janë në linjën e parë dhe nën presionin e përditshëm të cilët rrezikojnë më shumë se të gjithë, do ju serviren të dhënat tona personale “vendbanimi dhe se kush banon në X apo Y adresë” në një pjatë kompanisë Google.

Ministria e brëndshme po i krijon vetes probleme të mëdha në këtë mënyrë, gjë që mund të evitohet nëse personave të kualifikuar do ju jepet mundësia të jenë pjesë e këtij “bashkëpunimi” me Google, në mënyrë që të evitohet patjetër vënia në dispozicion të publikut të gjërë apo kompanisë Google të të dhënave personale të qytetarëve shqiptarë.

Uroj që të ketë qënë një lapsus i Zv/Ministrit apo i gazetarëve dhe sqarime të detajuara do jepen, megjithëse lajmi tani gjendet gjithandej në web!

burimi:
1)Tribuna
2)Agjencia e Lajmeve Ekonomia
3)ShqipMEdia
4)PcWorld.al

imazhi: Google Streetview car

Si do te bashkepunoje Shqiperia me Google? shkruar tek: eklipsi.com