• Tweet

Vlc logo

VLC është një nga playerit që përdor më shumë, më shumë për faktin që është i lehtë, si program nuk merr shumë CPU, natyrën e tij open-source dhe opsionet e shumta që ofron. Duke qënë open-source VLC ka disa avantazhe mbi programet e tjera kjo duket më shumë tek sasia e kodekë-ve që suporton.

Sot do ju tregoj disa opsione që në shumë programe të tjera që përdoren për të parë video nuk i gjeni. Këto opsione janë një arsye më shumë, te cilat duhet të ju bëjnë të ndërroni mendje dhe të përdorni këtë program, nëse akoma nuk e përdorni.

Konvertimi i fileve Video

Open file

Për të konvertuar një video, përdorni opsionin convert/save nga menuja e programit. Kur ju zgjidhni convert/save, një dritare e re “Open media” do ju shfaqet. Klikoni tek “Add” për të zgjedhur file-n që ju dëshironi të konvertoni dhe klikoni butonin convert/save.

Convert/Save

Pastaj do ju shfaqet një dritare tjetër, ajo e “konvertimit” e cila ju tregon source-n e filet që do konvertoni dhe ju lejon të zgjidhni ku dëshironi ta ruani dhe emrin e file-t që po konvertoni duke klikuar browse dhe duke e riemëruar sipas dëshirës, por mos harroni të zgjidhni tipin e file-t.

Konverto

Fotografi

VlC ju lejon gjithashtu të bëni fotografi të videos në momentin që ajo po shikohet. Mjafton të shkoni tek menuja e videos dhe të zgjidhni Snapshot, VLC do bëjë automatikisht një fotografi të sekuencës që po shikohet. Fotografitë ruhen tek kartela “My Documents”, por nëse dëshironi ta ndryshoni atë mjafton të ndiqni këtë rrugë:

Tools -> Preferences -> dhe te zgjidhni “Video Settings”.

Fotografi

Regjistroni DVD-të

VLC të lejon të rregjistrosh DVD-të në momentin që ato po shikohen duke përdorur opsionet e avancuara të cilat të vënë në dispozicion butonin e kuq “Record”, sidoqoftë opsionet e avancuara janë të fshehura në default, ndaj për ti aktivizuar duhet të shkoni tek:

View -> Advanced Options dhe të klikoni mbi të.

Tani mund të shikoni butonin Record me disa opsione të tjera gijthashtu si Snapshot dhe looping.

Kur ju filloni të shikoni një DVD apo ndonjë video tjetër, mjafton të klikoni mbi butonin e rregjistrimit dhe ta klikoni sërish një herë të dytë për ta ndaluar. Gjatë rregjistrimit butoni do jetë ngjyrë blu. Video e regjistruar ruhet në formatin MPEG dhe e gjeni tek kartela Documents me emrin VLC Record me datën dhe kohën e regjistrimit.

Rregjistro

Opsione të tilla të vogla ndikojnë shumë në suksesin e këtyre programeve, duke marrë parasysh sasinë e madhe të disponueshme të programeve për të parë Video.

Etiketat: CPU, fotografi, kodeke, konvertim, open source, opsione, video, Video Player, vlc

• Ndaj artikullin:
• Tweet